तुम से राह-ओ-रस्म बढ़ा कर दीवाने कहलाएँ क्यूँ
जिन गलियों में पत्थर बरसें उन गलियों में जाएँ क्यूँ
वैसे ही तारीक बहुत हैं लम्हे ग़म की रातों के
फिर मेरे ख़्वाबों में यारो वो गेसू लहराएँ क्यूँ
मजबूरों की इस बस्ती में किस से पूछें कौन बताए
अपना मोहल्ला भूल गई हैं बे-चारी लैलाएँ क्यूँ
मुस्तक़बिल से आस बहुत है मुस्तक़िल कैसा भी हो
माज़ी किस के काम आया है माज़ी को दोहराएँ क्यूँ
हाँ हम ने भी आज किसी का नाज़ुक सा दिल तोड़ा है
शहर-ए-वफ़ा की रस्म यही है हम इस पर शरमाएँ क्यूँ
खिड़की खिड़की सन्नाटा है चिलमन चिलमन तन्हाई
चाहत की महफ़िल में अब हम नक़्द-ए-दिल-ओ-जाँ लाएँ क्यूँ
वादों के जंगल में 'आज़र' हम तो बरसों भटके हैं
आप करें क्यूँ दिल पे भरोसा आप ये धोका खाएँ क्यूँ
tum se rāh-o-rasm baḌhā kar dīvāne kahlā.eñ kyuuñ
jin galiyoñ meñ patthar barseñ un galiyoñ meñ jaa.eñ kyuuñ
vaise hī tārīk bahut haiñ lamhe ġham kī rātoñ ke
phir mere ḳhvāboñ meñ yaaro vo gesū lahrā.eñ kyuuñ
majbūroñ kī is bastī meñ kis se pūchheñ kaun batā.e
apnā mohalla bhuul ga.ī haiñ be-chārī lailā.eñ kyuuñ
mustaqbil se aas bahut hai mustaqil kaisā bhī ho
maazī kis ke kaam aayā hai maazī ko dohrā.eñ kyuuñ
haañ ham ne bhī aaj kisī kā nāzuk sā dil toḌā hai
shahr-e-vafā kī rasm yahī hai ham is par sharmā.eñ kyuuñ
khiḌkī khiḌkī sannāTā hai chilman chilman tanhā.ī
chāhat kī mahfil meñ ab ham naqd-e-dil-o-jāñ laa.eñ kyuuñ
va.adoñ ke jañgal meñ 'āzar' ham to barsoñ bhaTke haiñ
aap kareñ kyuuñ dil pe bharosa aap ye dhoka khā.eñ kyuuñ
تم سے راہ و رسم بڑھا کر دیوانے کہلائیں کیوں
جن گلیوں میں پتھر برسیں ان گلیوں میں جائیں کیوں
ویسے ہی تاریک بہت ہیں لمحے غم کی راتوں کے
پھر میرے خوابوں میں یارو وہ گیسو لہرائیں کیوں
مجبوروں کی اس بستی میں کس سے پوچھیں کون بتائے
اپنا محلہ بھول گئی ہیں بے چاری لیلائیں کیوں
مستقبل سے آس بہت ہے مستقل کیسا بھی ہو
ماضی کس کے کام آیا ہے ماضی کو دہرائیں کیوں
ہاں ہم نے بھی آج کسی کا نازک سا دل توڑا ہے
شہر وفا کی رسم یہی ہے ہم اس پر شرمائیں کیوں
کھڑکی کھڑکی سناٹا ہے چلمن چلمن تنہائی
چاہت کی محفل میں اب ہم نقد دل و جاں لائیں کیوں
وعدوں کے جنگل میں آزرؔ ہم تو برسوں بھٹکے ہیں
آپ کریں کیوں دل پہ بھروسہ آپ یہ دھوکہ کھائیں کیوں