तुम हो जो कुछ कहाँ छुपाओगे
लिखने वालो नज़र तो आओगे
जब किसी को क़रीब पाओगे
ज़ाइक़ा अपना भूल जाओगे
आइना हैरतों का ख़्वाब नहीं
ख़ुद से आगे भी ख़ुद को पाओगे
ये हरारत लहू में कै दिन की
ख़ुद-ब-ख़ुद उस को भूल जाओगे
आँधियाँ रोज़ मुझ से पूछती हैं
घर में किस दिन दिया जलाओगे
साया रोके हुए है राह सफ़र
तुम ये दीवार कब गिराओगे
अब जो आए भी तुम तो क्या होगा
ख़ुद दिखोगे मुझे दिखाओगे
यही होगा कि तुम दर-ए-जाँ पर
दस्तकें दे के लौट जाओगे
वो जो इक शख़्स मुझ में ज़िंदा था
उस को ज़िंदा कहाँ से लाओगे
ऐसे मौसम गुज़र गए हैं कि अब
मुझ को भी मुझ सा तुम न पाओगे
जो लहू में दिए जलाती थीं
ऐसी शामें कहाँ से लाओगे
ख़्वाहिशों के हिसार में घिर कर
रास्ता घर का भूल जाओगे
tum ho jo kuchh kahāñ chhupāoge
likhne vaalo nazar to aaoge
jab kisī ko qarīb pāoge
zā.iqa apnā bhuul jāoge
aa.ina hairatoñ kā ḳhvāb nahīñ
ḳhud se aage bhī ḳhud ko pāoge
ye harārat lahū meñ kai din kī
ḳhud-ba-ḳhud us ko bhuul jāoge
āñdhiyāñ roz mujh se pūchhtī haiñ
ghar meñ kis din diyā jalāo.ge
saaya roke hue hai raah safar
tum ye dīvār kab girāoge
ab jo aa.e bhī tum to kyā hogā
ḳhud dikhoge mujhe dikhāoge
yahī hogā ki tum dar-e-jāñ par
dastakeñ de ke lauT jāoge
vo jo ik shaḳhs mujh meñ zinda thā
us ko zinda kahāñ se lāoge
aise mausam guzar ga.e haiñ ki ab
mujh ko bhī mujh sā tum na pāoge
jo lahū meñ diye jalātī thiiñ
aisī shāmeñ kahāñ se lāoge
ḳhvāhishoñ ke hisār meñ ghir kar
rāsta ghar kā bhuul jāoge
تم ہو جو کچھ کہاں چھپاؤ گے
لکھنے والو نظر تو آؤ گے
جب کسی کو قریب پاؤ گے
ذائقہ اپنا بھول جاؤ گے
آئنہ حیرتوں کا خواب نہیں
خود سے آگے بھی خود کو پاؤ گے
یہ حرارت لہو میں کے دن کی
خودبخود اس کو بھول جاؤ گے
آندھیاں روز مجھ سے پوچھتی ہیں
گھر میں کس دن دیا جلاؤ گے
سایہ روکے ہوئے ہے راہ سفر
تم یہ دیوار کب گراؤ گے
اب جو آئے بھی تم تو کیا ہوگا
خود دکھو گے مجھے دکھاؤ گے
یہی ہوگا کہ تم در جاں پر
دستکیں دے کے لوٹ جاؤ گے
وہ جو اک شخص مجھ میں زندہ تھا
اس کو زندہ کہاں سے لاؤ گے
ایسے موسم گزر گئے ہیں کہ اب
مجھ کو بھی مجھ سا تم نہ پاؤ گے
جو لہو میں دیئے جلاتی تھیں
ایسی شامیں کہاں سے لاؤ گے
خواہشوں کے حصار میں گھر کر
راستہ گھر کا بھول جاؤ گے