हाए इक शख़्स जिसे हम ने भुलाया भी नहीं
याद आने की तरह याद वो आया भी नहीं
जाने किस मोड़ पे ले आई हमें तेरी तलब
सर पे सूरज भी नहीं राह में साया भी नहीं
वज्ह-ए-रुस्वाई-ए-एहसास हुआ है क्या क्या
हाए वो लफ़्ज़ जो लब तक मिरे आया भी नहीं
ऐ मोहब्बत ये सितम क्या कि जुदा हूँ ख़ुद से
कोई ऐसा मिरे नज़दीक तो आया भी नहीं
या हमें ज़ुल्फ़ के साए ही में नींद आती थी
या मयस्सर किसी दीवार का साया भी नहीं
बार-हा दिल तिरी क़ुर्बत से धड़क उट्ठा है
गो अभी वक़्त मोहब्बत में वो आया भी नहीं
आप उस शख़्स को क्या कहिए कि जिस ने 'उम्मीद'
ग़म दिया ग़म को दिल-आज़ार बनाया भी नहीं
haa.e ik shaḳhs jise ham ne bhulāyā bhī nahīñ
yaad aane kī tarah yaad vo aayā bhī nahīñ
jaane kis moḌ pe le aa.ī hameñ terī talab
sar pe sūraj bhī nahīñ raah meñ saayā bhī nahīñ
vaj.h-e-rusvā.ī-e-ehsās huā hai kyā kyā
haa.e vo lafz jo lab tak mire aayā bhī nahīñ
ai mohabbat ye sitam kyā ki judā huuñ ḳhud se
koī aisā mire nazdīk to aayā bhī nahīñ
yā hameñ zulf ke saa.e hī meñ niiñd aatī thī
yā mayassar kisī dīvār kā saayā bhī nahīñ
bār-hā dil tirī qurbat se dhaḌak uTThā hai
go abhī vaqt mohabbat meñ vo aayā bhī nahīñ
aap us shaḳhs ko kyā kahiye ki jis ne 'ummīd'
ġham diyā ġham ko dil-āzār banāyā bhī nahīñ
ہائے اک شخص جسے ہم نے بھلایا بھی نہیں
یاد آنے کی طرح یاد وہ آیا بھی نہیں
جانے کس موڑ پہ لے آئی ہمیں تیری طلب
سر پہ سورج بھی نہیں راہ میں سایا بھی نہیں
وجہ رسوائی احساس ہوا ہے کیا کیا
ہائے وہ لفظ جو لب تک مرے آیا بھی نہیں
اے محبت یہ ستم کیا کہ جدا ہوں خود سے
کوئی ایسا مرے نزدیک تو آیا بھی نہیں
یا ہمیں زلف کے سائے ہی میں نیند آتی تھی
یا میسر کسی دیوار کا سایا بھی نہیں
بارہا دل تری قربت سے دھڑک اٹھا ہے
گو ابھی وقت محبت میں وہ آیا بھی نہیں
آپ اس شخص کو کیا کہیے کہ جس نے امیدؔ
غم دیا غم کو دل آزار بنایا بھی نہیں