तुझे क्या ख़बर मिरे हम-सफ़र मिरा मरहला कोई और है
मुझे मंज़िलों से गुरेज़ है मेरा रास्ता कोई और है
मेरी चाहतों को न पूछिए जो मिला तलब से सिवा मिला
मिरी दास्ताँ ही अजीब है मिरा मसअला कोई और है
ये हवस के बंदे हैं नासेहा न समझ सके मिरा मुद्दआ'
मुझे प्यार है किसी और से मिरा दिल-रुबा कोई और है
मिरा ज़ौक़-ए-सज्दा है ज़ाहिरी कि है कश्मकश मिरी ज़िंदगी
ये गुमान दिल में रहा सदा मिरा मुद्दआ' कोई और है
वो रहीम है वो करीम है वो नहीं कि ज़ुल्म करे सदा
है यक़ीं ज़माने को देख कर कि यहाँ ख़ुदा कोई और है
मैं चला कहाँ से ख़बर नहीं कि सफ़र में है मिरी ज़िंदगी
मिरी इब्तिदा कहीं और है मिरी इंतिहा कोई और है
मिरा नाम 'दर्शन'-ए-ख़स्ता-तन मिरे दिल में कोई है ज़ौ-फ़गन
मैं हूँ गुम किसी की तलाश में मुझे ढूँढता कोई और है
tujhe kyā ḳhabar mire ham-safar mirā marhala koī aur hai
mujhe manziloñ se gurez hai merā rāsta koī aur hai
merī chāhatoñ ko na pūchhiye jo milā talab se sivā milā
mirī dāstāñ hī ajiib hai mirā mas.ala koī aur hai
ye havas ke bande haiñ nāsehā na samajh sake mirā mudda.ā
mujhe pyaar hai kisī aur se mirā dil-rubā koī aur hai
mirā zauq-e-sajda hai zāhirī ki hai kashmakash mirī zindagī
ye gumān dil meñ rahā sadā mirā mudda.ā koī aur hai
vo rahīm hai vo karīm hai vo nahīñ ki zulm kare sadā
hai yaqīñ zamāne ko dekh kar ki yahāñ ḳhudā koī aur hai
maiñ chalā kahāñ se ḳhabar nahīñ ki safar meñ hai mirī zindagī
mirī ibtidā kahīñ aur hai mirī intihā koī aur hai
mirā naam 'darshan'-e-ḳhasta-tan mire dil meñ koī hai zau-fagan
maiñ huuñ gum kisī kī talāsh meñ mujhe DhūñDhtā koī aur hai
تجھے کیا خبر مرے ہم سفر مرا مرحلہ کوئی اور ہے
مجھے منزلوں سے گریز ہے میرا راستہ کوئی اور ہے
میری چاہتوں کو نہ پوچھئے جو ملا طلب سے سوا ملا
مری داستاں ہی عجیب ہے مرا مسئلہ کوئی اور ہے
یہ ہوس کے بندے ہیں ناصحا نہ سمجھ سکے مرا مدعا
مجھے پیار ہے کسی اور سے مرا دل ربا کوئی اور ہے
مرا ذوق سجدہ ہے ظاہری کہ ہے کشمکش مری زندگی
یہ گمان دل میں رہا سدا مرا مدعا کوئی اور ہے
وہ رحیم ہے وہ کریم ہے وہ نہیں کہ ظلم کرے سدا
ہے یقیں زمانے کو دیکھ کر کہ یہاں خدا کوئی اور ہے
میں چلا کہاں سے خبر نہیں کہ سفر میں ہے مری زندگی
مری ابتدا کہیں اور ہے مری انتہا کوئی اور ہے
مرا نام درشنؔ خستہ تن مرے دل میں کوئی ہے ضو فگن
میں ہوں گم کسی کی تلاش میں مجھے ڈھونڈھتا کوئی اور ہے