तीर चिल्ले पे न आना कि ख़ता हो जाना
लब तक आते हुए शिकवे का दुआ हो जाना
याद है उस बुत-ए-काफ़िर का ख़फ़ा हो जाना
और मिरा भूल के माइल-ब-दुआ हो जाना
हैरत-अंगेज़ है नक़्काश-ए-अज़ल के हाथों
मेरी तस्वीर का तस्वीर-ए-फ़ना हो जाना
दस्त-ए-तक़दीर में शमशीर-ए-जफ़ा देना है
ख़ुद-ब-ख़ुद बंदा-ए-तस्लीम-ओ-रज़ा हो जाना
उस की उफ़्ताद पे ख़ुर्शीद की रिफ़अत क़ुर्बां
जिस को भाया तिरा नक़्श-ए-कफ़-ए-पा हो जाना
रौनक़-ए-बज़्म है शेवन से तो शेवन ही सही
हम-सफ़ीरान-ए-चमन फिर न ख़फ़ा हो जाना
दावर-ए-हश्र का इंसाफ़ इशारे उन के
बस यही है किसी बंदे का ख़ुदा हो जाना
tiir chille pe na aanā ki ḳhatā ho jaanā
lab tak aate hue shikve kā duā ho jaanā
yaad hai us but-e-kāfir kā ḳhafā ho jaanā
aur mirā bhuul ke mā.il-ba-duā ho jaanā
hairat-añgez hai naqqāsh-e-azal ke hāthoñ
merī tasvīr kā tasvīr-e-fanā ho jaanā
dast-e-taqdīr meñ shamshīr-e-jafā denā hai
ḳhud-ba-ḳhud banda-e-taslīm-o-razā ho jaanā
us kī uftād pe ḳhurshīd kī rif.at qurbāñ
jis ko bhāyā tirā naqsh-e-kaf-e-pā ho jaanā
raunaq-e-bazm hai shevan se to shevan hī sahī
ham-safīrān-e-chaman phir na ḳhafā ho jaanā
dāvar-e-hashr kā insāf ishāre un ke
bas yahī hai kisī bande kā ḳhudā ho jaanā
تیر چلے پہ نہ آنا کہ خطا ہو جانا
لب تک آتے ہوئے شکوے کا دعا ہو جانا
یاد ہے اس بت کافر کا خفا ہو جانا
اور مرا بھول کے مائل بہ دعا ہو جانا
حیرت انگیز ہے نقاش ازل کے ہاتھوں
میری تصویر کا تصویر فنا ہو جانا
دست تقدیر میں شمشیر جفا دینا ہے
خود بہ خود بندۂ تسلیم و رضا ہو جانا
اس کی افتاد پہ خورشید کی رفعت قرباں
جس کو بھایا ترا نقش کف پا ہو جانا
رونق بزم ہے شیون سے تو شیون ہی سہی
ہم صفیران چمن پھر نہ خفا ہو جانا
داور حشر کا انصاف اشارے ان کے
بس یہی ہے کسی بندے کا خدا ہو جانا