थम गई वक़्त की रफ़्तार तिरे कूचे में
ऐसे साबित हुआ सय्यार तिरे कूचे में
मंज़र-ए-बाम सर-ए-दीद नहीं खुलता है
कुछ है ना-दीदा का असरार तिरे कूचे में
हर तलबगार को है हासिल-ए-गुफ़्तार-ए-सुकूत
न है इंकार न इक़रार तिरे कूचे में
आईना शाम का रौशन रुख़-ए-महताब से कर
अक्स चमके तो हो दीदार तिरे कूचे में
वसलत-ए-कार बहम हो कि हैं जम्अ दिन रात
पेशा-ए-हिज्र के बे कार तिरे कूचे में
नफ़ा के खेल में समझा गया था ताक़ जिसे
वो ख़सारे में है होश्यार तिरे कूचे में
आख़िर-ए-उम्र ने की रौनक़-ए-बाज़ार तमाम
न दुकाँ है न ख़रीदार तिरे कूचे में
एक मुद्दत से है तरतीब में बे-तरतीबी
न दुरुस्ती के हैं आसार तिरे कूचे में
tham ga.ī vaqt kī raftār tire kūche meñ
aise sābit huā sayyār tire kūche meñ
manzar-e-bām sar-e-dīd nahīñ khultā hai
kuchh hai nā-dīda kā asrār tire kūche meñ
har talabgār ko hai hāsil-e-guftār-e-sukūt
na hai inkār na iqrār tire kūche meñ
ā.īna shaam kā raushan ruḳh-e-mahtāb se kar
aks chamke to ho dīdār tire kūche meñ
vaslat-e-kār baham ho ki haiñ jam.a din raat
pesha-e-hijr ke be car tire kūche meñ
nafā ke khel meñ samjhā gayā thā taaq jise
vo ḳhasāre meñ hai hoshyār tire kūche meñ
āḳhir-e-umr ne kī raunaq-e-bāzār tamām
na dukāñ hai na ḳharīdār tire kūche meñ
ek muddat se hai tartīb meñ be-tartībī
na durustī ke haiñ āsār tire kūche meñ
تھم گئی وقت کی رفتار ترے کوچے میں
ایسے ثابت ہوا سیار ترے کوچے میں
منظر بام سر دید نہیں کھلتا ہے
کچھ ہے نا دیدہ کا اسرار ترے کوچے میں
ہر طلب گار کو ہے حاصل گفتار سکوت
نہ ہے انکار نہ اقرار ترے کوچے میں
آئینہ شام کا روشن رخ مہتاب سے کر
عکس چمکے تو ہو دیدار ترے کوچے میں
وصلت کار بہم ہو کہ ہیں جمع دن رات
پیشۂ ہجر کے بے کار ترے کوچے میں
نفع کے کھیل میں سمجھا گیا تھا طاق جسے
وہ خسارے میں ہے ہشیار ترے کوچے میں
آخر عمر نے کی رونق بازار تمام
نہ دکاں ہے نہ خریدار ترے کوچے میں
ایک مدت سے ہے ترتیب میں بے ترتیبی
نہ درستی کے ہیں آثار ترے کوچے میں