तेरे दामन की थी या मस्त हुआ किस की थी
साथ मेरे चली आई वो सदा किस की थी
कौन मुजरिम है कि दूरी है वही पहली सी
पास आ कर चले जाने की अदा किस की थी
दिल तो सुलगा था मगर आँखों में आँसू क्यूँ आए
मिल गई किस को सज़ा और ख़ता किस की थी
शाम आते ही उतर आए मिरे गाँव में रंग
जिस के ये रंग थे जाने वो क़बा किस की थी
ये मिरा दिल है कि आँखें कि सितारों की तरह
जलने बुझने की सहर तक ये अदा किस की थी
चाँदनी रात घने नीम तले कोई न था
फिर फ़ज़ाओं में वो ख़ुशबू-ए-हिना किस की थी
tere dāman kī thī yā mast huā kis kī thī
saath mere chalī aa.ī vo sadā kis kī thī
kaun mujrim hai ki duurī hai vahī pahlī sī
paas aa kar chale jaane kī adā kis kī thī
dil to sulgā thā magar āñkhoñ meñ aañsū kyuuñ aa.e
mil ga.ī kis ko sazā aur ḳhatā kis kī thī
shaam aate hī utar aa.e mire gaañv meñ rañg
jis ke ye rañg the jaane vo qabā kis kī thī
ye mirā dil hai ki āñkheñ ki sitāroñ kī tarah
jalne bujhne kī sahar tak ye adā kis kī thī
chāñdnī raat ghane niim tale koī na thā
phir fazāoñ meñ vo ḳhushbū-e-hinā kis kī thī
تیرے دامن کی تھی یا مست ہوا کس کی تھی
ساتھ میرے چلی آئی وہ صدا کس کی تھی
کون مجرم ہے کہ دوری ہے وہی پہلی سی
پاس آ کر چلے جانے کی ادا کس کی تھی
دل تو سلگا تھا مگر آنکھوں میں آنسو کیوں آئے
مل گئی کس کو سزا اور خطا کس کی تھی
شام آتے ہی اتر آئے مرے گاؤں میں رنگ
جس کے یہ رنگ تھے جانے وہ قبا کس کی تھی
یہ مرا دل ہے کہ آنکھیں کہ ستاروں کی طرح
جلنے بجھنے کی سحر تک یہ ادا کس کی تھی
چاندنی رات گھنے نیم تلے کوئی نہ تھا
پھر فضاؤں میں وہ خوشبوئے حنا کس کی تھی