ऐसे ही दिन थे कुछ ऐसी शाम थी
वो मगर कुछ और हँसती शाम थी
बह रहा था सुर्ख़ सूरज का जहाज़
माँझियों के गीत गाती शाम थी
सुब्ह से थीं ठंडी ठंडी बारिशें
फिर भी वो कैसी सुलगती शाम थी
गर्म अलाव में सुलगती सर्दियाँ
धीमे धीमे हीर गाती शाम थी
घेर लेते थे तिलाई दाएरे
पानियों में बहती बहती शाम थी
अर्श पर हिलते हुए दो हाथ थे
साहिलों की भीगी भीगी शाम थी
कितनी रातों को हमें याद आएगी
अपनी इकलौती सुहानी शाम थी
शाख़ से हर सुर्ख़ पत्ती गिर गई
फिर वही बोझल सी पीली शाम थी
चाँदी चाँदी रात को याद आएगी
सोना सोना सी रंगीली शाम थी
सोलहवें ज़ीने पे सूरज था 'उबैद'
जनवरी की इक सलोनी शाम थी
aise hī din the kuchh aisī shaam thī
vo magar kuchh aur hañstī shaam thī
bah rahā thā surḳh sūraj kā jahāz
māñjhiyoñ ke giit gaatī shaam thī
sub.h se thiiñ ThanDī ThanDī bārisheñ
phir bhī vo kaisī sulagtī shaam thī
garm alaav meñ sulagtī sardiyāñ
dhīme dhīme hiir gaatī shaam thī
gher lete the tilā.ī dā.ere
pāniyoñ meñ bahtī bahtī shaam thī
arsh par hilte hue do haath the
sāhiloñ kī bhīgī bhīgī shaam thī
kitnī rātoñ ko hameñ yaad aa.egī
apnī iklautī suhānī shaam thī
shāḳh se har surḳh pattī gir ga.ī
phir vahī bojhal sī piilī shaam thī
chāñdī chāñdī raat ko yaad aa.egī
sonā sonā sī rañgīlī shaam thī
solahveñ ziine pe sūraj thā 'obaid'
january kī ik salonī shaam thī
ایسے ہی دن تھے کچھ ایسی شام تھی
وہ مگر کچھ اور ہنستی شام تھی
بہہ رہا تھا سرخ سورج کا جہاز
مانجھیوں کے گیت گاتی شام تھی
صبح سے تھیں ٹھنڈی ٹھنڈی بارشیں
پھر بھی وہ کیسی سلگتی شام تھی
گرم الاؤ میں سلگتی سردیاں
دھیمے دھیمے ہیر گاتی شام تھی
گھیر لیتے تھے طلائی دائرے
پانیوں میں بہتی بہتی شام تھی
عرش پر ہلتے ہوئے دو ہاتھ تھے
ساحلوں کی بھیگی بھیگی شام تھی
کتنی راتوں کو ہمیں یاد آئے گی
اپنی اکلوتی سہانی شام تھی
شاخ سے ہر سرخ پتی گر گئی
پھر وہی بوجھل سی پیلی شام تھی
چاندی چاندی رات کو یاد آئے گی
سونا سونا سی رنگیلی شام تھی
سولہویں زینے پہ سورج تھا عبیدؔ
جنوری کی اک سلونی شام تھی