तज़ाद-ए-जज़्बात में ये नाज़ुक मक़ाम आया तो क्या करोगे
मैं रो रहा हूँ तुम हँस रहे हो मैं मुस्कुराया तो क्या करोगे
मुझे तो इस दर्जा वक़्त-ए-रुख़्सत सुकूँ की तल्क़ीन कर रहे हो
मगर कुछ अपने लिए भी सोचा मैं याद आया तो क्या करोगे
अभी तो तन्क़ीद हो रही है मिरे मज़ाक़-ए-जुनूँ पे लेकिन
तुम्हारी ज़ुल्फ़ों की बरहमी का सवाल आया तो क्या करोगे
तुम्हारे जल्वों की रौशनी में नज़र की हैरानियाँ मुसल्लम
मगर किसी ने नज़र के बदले जो दिल आज़माया तो क्या करोगे
उतर तो सकते हो यार लेकिन मआल पर भी निगाह कर लो
ख़ुदा-ना-कर्दा सुकून-ए-साहिल न रास आया तो क्या करोगे
कुछ अपने दिल पर भी ज़ख़्म खाओ मिरे लहू की बहार कब तक
मुझे सहारा बनाने वालो मैं लड़खड़ाया तो क्या करोगे
अभी तो दामन छुड़ा रहे हो बिगड़ के 'क़ाबिल' से जा रहे हो
मगर कभी दिल की धड़कनों में शरीक पाया तो क्या करोगे
tazād-e-jazbāt meñ ye nāzuk maqām aayā to kyā karoge
maiñ ro rahā huuñ tum hañs rahe ho maiñ muskurāyā to kyā karoge
mujhe to is darja vaqt-e-ruḳhsat sukūñ kī talqīn kar rahe ho
magar kuchh apne liye bhī sochā maiñ yaad aayā to kyā karoge
abhī to tanqīd ho rahī hai mire mazāq-e-junūñ pe lekin
tumhārī zulfoñ kī barhamī kā savāl aayā to kyā karoge
tumhāre jalvoñ kī raushnī meñ nazar kī hairāniyāñ musallam
magar kisī ne nazar ke badle jo dil āzmāyā to kyā karoge
utar to sakte ho yaar lekin ma.aal par bhī nigāh kar lo
ḳhudā-nā-karda sukūn-e-sāhil na raas aayā to kyā karoge
kuchh apne dil par bhī zaḳhm khaao mire lahū kī bahār kab tak
mujhe sahārā banāne vaalo maiñ laḌkhaḌāyā to kyā karoge
abhī to dāman chhuḌā rahe ho bigaḌ ke 'qābil' se jā rahe ho
magar kabhī dil kī dhaḌkanoñ meñ sharīk paayā to kyā karoge
تضاد جذبات میں یہ نازک مقام آیا تو کیا کرو گے
میں رو رہا ہوں تم ہنس رہے ہو میں مسکرایا تو کیا کرو گے
مجھے تو اس درجہ وقت رخصت سکوں کی تلقین کر رہے ہو
مگر کچھ اپنے لیے بھی سوچا میں یاد آیا تو کیا کرو گے
ابھی تو تنقید ہو رہی ہے مرے مذاق جنوں پہ لیکن
تمہاری زلفوں کی برہمی کا سوال آیا تو کیا کرو گے
تمہارے جلووں کی روشنی میں نظر کی حیرانیاں مسلم
مگر کسی نے نظر کے بدلے جو دل آزمایا تو کیا کرو گے
اتر تو سکتے ہو یار لیکن مآل پر بھی نگاہ کر لو
خدا ناکردہ سکون ساحل نہ راس آیا تو کیا کرو گے
کچھ اپنے دل پر بھی زخم کھاؤ مرے لہو کی بہار کب تک
مجھے سہارا بنانے والو میں لڑکھڑایا تو کیا کرو گے
ابھی تو دامن چھڑا رہے ہو بگڑ کے قابلؔ سے جا رہے ہو
مگر کبھی دل کی دھڑکنوں میں شریک پایا تو کیا کرو گے