तर्क-ए-तअल्लुक़ात नहीं चाहता था मैं
ग़म से तिरे नजात नहीं चाहता था मैं
कब चाहता था तेरी इनायत की बारिशें
शादाबी-ए-हयात नहीं चाहता था में
मुझ से तू ऐ बहिश्त-ए-नज़र यूँ नज़र न फेर
क्या तुझ को ता-हयात नहीं चाहता था मैं
मैं चाहता था तुम से न जीतूँ कभी मगर
खा जाऊँ ख़ुद से मात नहीं चाहता था मैं
गुज़री है दिल पे कैसी क़यामत मैं क्या कहूँ
नफ़रत की काएनात नहीं चाहता था मैं
क्या हाल अब है तेरे तआक़ुब में ऐ हयात
तू यूँ ही आए हात नहीं चाहता था मैं
मैं चाहता था राह में कुछ मुश्किलें मगर
हर हर क़दम पे घात नहीं चाहता था मैं
'राग़िब' वो मेरी फ़िक्र में ख़ुद को भी भूल जाएँ
ऐसी तो कोई बात नहीं चाहता था मैं
tark-e-ta.alluqāt nahīñ chāhtā thā maiñ
ġham se tire najāt nahīñ chāhtā thā maiñ
kab chāhtā thā terī ināyat kī bārisheñ
shādābī-e-hayāt nahīñ chāhtā thā meñ
mujh se tū ai bahisht-e-nazar yuuñ nazar na pher
kyā tujh ko tā-hayāt nahīñ chāhtā thā maiñ
maiñ chāhtā thā tum se na jītūñ kabhī magar
khā jā.ūñ ḳhud se maat nahīñ chāhtā thā maiñ
guzrī hai dil pe kaisī qayāmat maiñ kyā kahūñ
nafrat kī kā.enāt nahīñ chāhtā thā maiñ
kyā haal ab hai tere ta.āqub meñ ai hayāt
tū yuuñ hī aa.e haat nahīñ chāhtā thā maiñ
maiñ chāhtā thā raah meñ kuchh mushkileñ magar
har har qadam pe ghaat nahīñ chāhtā thā maiñ
'rāġhib' vo merī fikr meñ ḳhud ko bhī bhuul jaa.eñ
aisī to koī baat nahīñ chāhtā thā maiñ
ترک تعلقات نہیں چاہتا تھا میں
غم سے ترے نجات نہیں چاہتا تھا میں
کب چاہتا تھا تیری عنایت کی بارشیں
شادابیٔ حیات نہیں چاہتا تھا میں
مجھ سے تو اے بہشت نظر یوں نظر نہ پھیر
کیا تجھ کو تا حیات نہیں چاہتا تھا میں
میں چاہتا تھا تم سے نہ جیتوں کبھی مگر
کھا جاؤں خود سے مات نہیں چاہتا تھا میں
گزری ہے دل پہ کیسی قیامت میں کیا کہوں
نفرت کی کائنات نہیں چاہتا تھا میں
کیا حال اب ہے تیرے تعاقب میں اے حیات
تو یوں ہی آئے ہات نہیں چاہتا تھا میں
میں چاہتا تھا راہ میں کچھ مشکلیں مگر
ہر ہر قدم پہ گھات نہیں چاہتا تھا میں
راغبؔ وہ میری فکر میں خود کو بھی بھول جائیں
ایسی تو کوئی بات نہیں چاہتا تھا میں