तमाम शहर में है आम कारोबार-ए-हवस
कि चेहरे चेहरे पे चस्पाँ है इश्तिहार-ए-हवस
अभी रगों में है तल्ख़ी-ए-ए'तिबार-ए-हवस
बदन में टूट रहा है अभी ख़ुमार-ए-हवस
जो चल पड़े हो तो अंजाम-ए-गुमरही से डरो
सुपुर्द-ए-ख़ाक न कर दे ये रहगुज़ार-ए-हवस
हवा है गर्म न कमरे की खिड़कियाँ खोलो
न जाने शहर में ठहरे कहाँ ग़ुबार-ए-हवस
फ़रार ख़्वाहिश-ए-हस्ती से जब नहीं मुमकिन
नफ़स की क़ैद कहें या इसे हिसार-ए-हवस
tamām shahr meñ hai aam kārobār-e-havas
ki chehre chehre pe chaspāñ hai ishtihār-e-havas
abhī ragoñ meñ hai talḳhī-e-e'tibār-e-havas
badan meñ TuuT rahā hai abhī ḳhumār-e-havas
jo chal paḌe ho to anjām-e-gumrahī se Daro
supurd-e-ḳhāk na kar de ye rahguzār-e-havas
havā hai garm na kamre kī khiḌkiyāñ kholo
na jaane shahr meñ Thahre kahāñ ġhubār-e-havas
farār ḳhvāhish-e-hastī se jab nahīñ mumkin
nafas kī qaid kaheñ yā ise hisār-e-havas
تمام شہر میں ہے عام کاروبار ہوس
کہ چہرے چہرے پہ چسپاں ہے اشتہار ہوس
ابھی رگوں میں ہے تلخیٔ اعتبار ہوس
بدن میں ٹوٹ رہا ہے ابھی خمار ہوس
جو چل پڑے ہو تو انجام گمرہی سے ڈرو
سپرد خاک نہ کر دے یہ رہ گزار ہوس
ہوا ہے گرم نہ کمرے کی کھڑکیاں کھولو
نہ جانے شہر میں ٹھہرے کہاں غبار ہوس
فرار خواہش ہستی سے جب نہیں ممکن
نفس کی قید کہیں یا اسے حصار ہوس