तमाम फ़ित्नों से ख़ुद को बचा लिया मैं ने
मुनाफ़िक़ीन से पीछा छुड़ा लिया मैं ने
न जाने किस लिए ज़हमत उठा रहे हैं लोग
दराज़ क़द भी जब अपना घटा लिया मैं ने
शनाख़्त हो सके जिस से फ़रेब-कारों की
जनाब-ए-वाला वो चश्मा लगा लिया मैं ने
मिरी अना पे ज़रा भी कहीं जो हर्फ़ आया
तो आसमान को सर पर उठा लिया मैं ने
तुझे मैं तर्क करूँ किस तरह ग़ज़ल-गोई
तुझे तो ज़ीस्त का हिस्सा बना लिया मैं ने
हुए शिकार जो अहबाब बद-गुमानी के
उन्हें भी हुस्न-ए-वफ़ा से मना लिया मैं ने
मसर्रतों से बहुत घुट रहा था दम 'आलम'
ग़म-ए-हयात को अपना बना लिया मैं ने
tamām fitnoñ se ḳhud ko bachā liyā maiñ ne
munāfiqīn se pīchhā chhuḌā liyā maiñ ne
na jaane kis liye zahmat uThā rahe haiñ log
darāz qad bhī jab apnā ghaTā liyā maiñ ne
shanāḳht ho sake jis se fareb-kāroñ kī
janāb-e-vālā vo chashma lagā liyā maiñ ne
mirī anā pe zarā bhī kahīñ jo harf aayā
to āsmān ko sar par uThā liyā maiñ ne
tujhe maiñ tark karūñ kis tarah ġhazal-goī
tujhe to ziist kā hissa banā liyā maiñ ne
hue shikār jo ahbāb bad-gumānī ke
unheñ bhī husn-e-vafā se manā liyā maiñ ne
masarratoñ se bahut ghuT rahā thā dam 'ālam'
ġham-e-hayāt ko apnā banā liyā maiñ ne
تمام فتنوں سے خود کو بچا لیا میں نے
منافقین سے پیچھا چھڑا لیا میں نے
نہ جانے کس لئے زحمت اٹھا رہے ہیں لوگ
دراز قد بھی جب اپنا گھٹا لیا میں نے
شناخت ہو سکے جس سے فریب کاروں کی
جناب والا وہ چشمہ لگا لیا میں نے
مری انا پہ ذرا بھی کہیں جو حرف آیا
تو آسمان کو سر پر اٹھا لیا میں نے
تجھے میں ترک کروں کس طرح غزل گوئی
تجھے تو زیست کا حصہ بنا لیا میں نے
ہوئے شکار جو احباب بد گمانی کے
انہیں بھی حسن وفا سے منا لیا میں نے
مسرتوں سے بہت گھٹ رہا تھا دم عالمؔ
غم حیات کو اپنا بنا لیا میں نے