तह-ए-गिर्दाब तो बचना मिरा दुश्वार है फिर भी
किनारे दूर हैं टूटी हुई पतवार है फिर भी
थकन से चूर हूँ, सर रख दिया है उस के सीने पर
मुझे मा'लूम है ये रेत की दीवार है फिर भी
मता-ए-रिश्ता-ए-जाँ कारोबार-ए-मंफ़अत कब थी
ख़रीदारों के हल्क़े में सर-ए-बाज़ार है फिर भी
मिरी मुट्ठी में नाज़ुक पंखुड़ी महफ़ूज़ रहती है
बचाना संग-बारी में उसे दुश्वार है फिर भी
तिरे लहजे की शबनम जज़्ब कर दे कुछ नमी इस में
अगरचे दिल सुलगती रेत का अम्बार है फिर भी
चराग़-ए-आरज़ू है मुंतज़िर दहलीज़ पर मेरी
वो दूरी के धुँदलकों में बहुत लाचार है फिर भी
समुंदर तिश्नगी का अब सराब-ए-इश्क़ में ज़म है
शिकस्ता हाल मेरा शीशा-ए-पिंदार है फिर भी
ये मिटी चाक पर थमती नहीं है, इतनी गीली है
कठिन ये मरहला है, कूज़ा-गर ला-चार है फिर भी
tah-e-girdāb to bachnā mirā dushvār hai phir bhī
kināre duur haiñ TuuTī huī patvār hai phir bhī
thakan se chuur huuñ, sar rakh diyā hai us ke siine par
mujhe mā'lūm hai ye ret kī dīvār hai phir bhī
matā-e-rishta-e-jāñ kārobār-e-manfa.at kab thī
ḳharīdāroñ ke halqe meñ sar-e-bāzār hai phir bhī
mirī muTThī meñ nāzuk pankhuḌī mahfūz rahtī hai
bachānā sañg-bārī meñ use dushvār hai phir bhī
tire lahje kī shabnam jazb kar de kuchh namī is meñ
agarche dil sulagtī ret kā ambār hai phir bhī
charāġh-e-ārzū hai muntazir dahlīz par merī
vo duurī ke dhuñdlakoñ meñ bahut lāchār hai phir bhī
samundar tishnagī kā ab sarāb-e-ishq meñ zam hai
shikasta haal merā shīsha-e-pindār hai phir bhī
ye miTī chaak par thamtī nahīñ hai, itnī giilī hai
kaThin ye marhala hai, kūza-gar lā-chār hai phir bhī
تہ گرداب تو بچنا مرا دشوار ہے پھر بھی
کنارے دور ہیں ٹوٹی ہوئی پتوار ہے پھر بھی
تھکن سے چور ہوں، سر رکھ دیا ہے اس کے سینے پر
مجھے معلوم ہے یہ ریت کی دیوار ہے پھر بھی
متاع رشتۂ جاں کاروبار منفعت کب تھی
خریداروں کے حلقے میں سر بازار ہے پھر بھی
مری مٹھی میں نازک پنکھڑی محفوظ رہتی ہے
بچانا سنگ باری میں اسے دشوار ہے پھر بھی
ترے لہجے کی شبنم جذب کر دے کچھ نمی اس میں
اگرچہ دل سلگتی ریت کا انبار ہے پھر بھی
چراغ آرزو ہے منتظر دہلیز پر میری
وہ دوری کے دھندلکوں میں بہت لاچار ہے پھر بھی
سمندر تشنگی کا اب سراب عشق میں ضم ہے
شکستہ حال میرا شیشۂ پندار ہے پھر بھی
یہ مٹی چاک پر تھمتی نہیں ہے، اتنی گیلی ہے
کٹھن یہ مرحلہ ہے، کوزہ گر لاچار ہے پھر بھی