तड़पें कब तक तिरी फ़ुर्क़त में मोहब्बत वाले
आ इधर भी कभी ओ नाज़-ओ-नज़ाकत वाले
शैख़-ओ-वाइज़ हों न किस तरह करामत वाले
हज़रत-ए-पीर-ए-मुग़ाँ की हैं ये सोहबत वाले
कब तक ईज़ाएँ सहें तेरी मोहब्बत वाले
रहम कर रहम कर ओ ज़ुल्म की 'आदत वाले
शैख़ रिंदों को बुरा कह के गुनहगार न बन
अरे कम्बख़्त यही लोग हैं जन्नत वाले
देख जा आ के कि अब नज़्अ' की हालत है मिरी
इतनी तकलीफ़ कर ऐ मेरी नज़ाकत वाले
मुझ से 'आसी को जो महशर में मिला बाग़-ए-बहिश्त
रह गए देख के मुँह ज़ुहद-ओ-इबादत वाले
तेरी फ़ुर्क़त में तड़पता है मिरा दिल कैसा
देख आ कर कभी ओ सख़्त तबी'अत वाले
झूम कर आने तो दे अब्र-ए-सियह ऐ साक़ी
अभी आ जाएँगे मयख़ाने की सोहबत वाले
दिल तो क्या जान फ़िदा कर दें तिरे क़दमों पर
आशिक़ों में तिरे ऐसे भी हैं हिम्मत वाले
चीख़ उठे आते ही मस्जिद में जनाब-ए-वा'इज़
चौंक उठते हैं यूँ ही ख़्वाब से ग़फ़्लत वाले
कोई करता है मय-ए-'इश्क़ को जाएज़ कोई मन'
देखें क्या हुक्म लगाते हैं शरी'अत वाले
सोहबत-ए-मय में भी मिलता नहीं वा'इज़ को मज़ा
ऐसे देखे ही नहीं ख़ुश्क तबी'अत वाले
रह गया चुप ही सवालों पे नकीरैन के मैं
सुन चुका था कि फ़रिश्ते हैं ये जन्नत वाले
कल से है वा'दा-ए-वस्ल आज न कह याद नहीं
इस क़दर भूल न ओ भूल की 'आदत वाले
क़ब्र से उठ के क़यामत में वहीं पहूँचेंगे
हौज़-ए-कौसर ही पे दम लेंगे तिरे मतवाले
मय्यत-ए-आशिक़-ए-शैदा है उठाना लाज़िम
इतना नाज़ुक न बन ओ मेरे नज़ाकत वाले
मुन्फ़'इल हो के हुए पुर्सिश-ए-इस्याँ से बरी
सब से अच्छे रहे महशर में नदामत वाले
हम कहें क्या कि हमें कुछ नहीं आता है 'फहीम'
नाज़ करते हैं तबी'अत पे तबी'अत वाले
taḌpeñ kab tak tirī furqat meñ mohabbat vaale
aa idhar bhī kabhī o nāz-o-nazākat vaale
shaiḳh-o-vā.iz hoñ na kis tarah karāmat vaale
hazrat-e-pīr-e-muġhāñ kī haiñ ye sohbat vaale
kab tak īzā.eñ saheñ terī mohabbat vaale
rahm kar rahm kar o zulm kī 'ādat vaale
shaiḳh rindoñ ko burā kah ke gunahgār na ban
are kambaḳht yahī log haiñ jannat vaale
dekh jā aa ke ki ab naz' kī hālat hai mirī
itnī taklīf kar ai merī nazākat vaale
mujh se 'aasī ko jo mahshar meñ milā bāġh-e-bahisht
rah ga.e dekh ke muñh zohd-o-ibādat vaale
terī furqat meñ taḌaptā hai mirā dil kaisā
dekh aa kar kabhī o saḳht tabī'at vaale
jhuum kar aane to de abr-e-siyah ai saaqī
abhī aa jā.eñge maiḳhāne kī sohbat vaale
dil to kyā jaan fidā kar deñ tire qadmoñ par
āshiqoñ meñ tire aise bhī haiñ himmat vaale
chīḳh uThe aate hī masjid meñ janāb-e-vā'iz
chauñk uThte haiñ yuuñ hī ḳhvāb se ġhaflat vaale
koī kartā hai may-e-'ishq ko jaa.ez koī man'
dekheñ kyā hukm lagāte haiñ sharī'at vaale
sohbat-e-mai meñ bhī miltā nahīñ vā'iz ko maza
aise dekhe hī nahīñ ḳhushk tabī'at vaale
rah gayā chup hī savāloñ pe nakīrain ke maiñ
sun chukā thā ki farishte haiñ ye jannat vaale
kal se hai vā'da-e-vasl aaj na kah yaad nahīñ
is qadar bhuul na o bhuul kī 'ādat vaale
qabr se uTh ke qayāmat meñ vahīñ pahūñcheñge
hauz-e-kausar hī pe dam leñge tire matvāle
mayyat-e-āshiq-e-shaidā hai uThānā lāzim
itnā nāzuk na ban o mere nazākat vaale
munfa'il ho ke hue pursish-e-isyāñ se barī
sab se achchhe rahe mahshar meñ nadāmat vaale
ham kaheñ kyā ki hameñ kuchh nahīñ aatā hai 'fahīm'
naaz karte haiñ tabī'at pe tabī'at vaale
تڑپیں کب تک تری فرقت میں محبت والے
آ ادھر بھی کبھی او ناز و نزاکت والے
شیخ و واعظ ہوں نہ کس طرح کرامت والے
حضرت پیر مغاں کی ہیں یہ صحبت والے
کب تک ایذائیں سہیں تیری محبت والے
رحم کر رحم کر او ظلم کی عادت والے
شیخ رندوں کو برا کہہ کے گنہ گار نہ بن
ارے کمبخت یہی لوگ ہیں جنت والے
دیکھ جا آ کے کہ اب نزع کی حالت ہے مری
اتنی تکلیف کر اے میری نزاکت والے
مجھ سے عاصی کو جو محشر میں ملا باغ بہشت
رہ گئے دیکھ کے منہ زہد و عبادت والے
تیری فرقت میں تڑپتا ہے مرا دل کیسا
دیکھ آ کر کبھی او سخت طبیعت والے
جھوم کر آنے تو دے ابر سیہ اے ساقی
ابھی آ جائیں گے میخانے کی صحبت والے
دل تو کیا جان فدا کر دیں ترے قدموں پر
عاشقوں میں ترے ایسے بھی ہیں ہمت والے
چیخ اٹھے آتے ہی مسجد میں جناب واعظ
چونک اٹھتے ہیں یوں ہی خواب سے غفلت والے
کوئی کرتا ہے مئے عشق کو جائز کوئی منع
دیکھیں کیا حکم لگاتے ہیں شریعت والے
صحبت مے میں بھی ملتا نہیں واعظ کو مزہ
ایسے دیکھے ہی نہیں خشک طبیعت والے
رہ گیا چپ ہی سوالوں پہ نکیرین کے میں
سن چکا تھا کہ فرشتے ہیں یہ جنت والے
کل سے ہے وعدۂ وصل آج نہ کہہ یاد نہیں
اس قدر بھول نہ او بھول کی عادت والے
قبر سے اٹھ کے قیامت میں وہیں پہنچیں گے
حوض کوثر ہی پہ دم لیں گے ترے متوالے
میت عاشق شیدا ہے اٹھانا لازم
اتنا نازک نہ بن او میرے نزاکت والے
منفعل ہو کے ہوئے پرسش عصیاں سے بری
سب سے اچھے رہے محشر میں ندامت والے
ہم کہیں کیا کہ ہمیں کچھ نہیں آتا ہے فہیمؔ
ناز کرتے ہیں طبیعت پہ طبیعت والے