सू-ए-दरिया ख़ंदा-ज़न वो यार-ए-जानी फिर गया
मोतियों की आबरू पर आज पानी फिर गया
सूइयाँ सी कुछ दिल-ए-वहशी में फिर चुभने लगीं
ठीक होने को लिबास-ए-अर्ग़वानी फिर गया
हथकड़ी भारी है मेरे हाथ की आज ऐ जुनूँ
दस्त-ए-जानाँ का कहीं छल्ला निशानी फिर गया
ज़ोर पैदा कर कि पहुँचे जेब तक दस्त-ए-जुनूँ
अब तो मौसम ऐ वफ़ूर-ए-ना-तवानी फिर गया
सरफ़रोशान-ए-मोहब्बत से न होगी आँख चार
मुँह जो उस की तेग़ का ऐ सख़्त-जानी फिर गया
कहते हो हम आज मुल्क-ए-हुस्न के हैं बादशाह
क्या हुमा बाला-ए-सर ऐ यार-ए-जानी फिर गया
क्यूँ कबूतर के एवज़ हुदहुद न लाया ख़त्त-ए-शौक़
इस ख़ता पर मुझ से वो बिल्क़ीस-ए-सानी फिर गया
बोसा कैसा इक लब-ए-शीरीं से गाली भी न दी
आज फिर उम्मीद-वार-ए-मेहरबानी फिर गया
ऐ ज़ईफ़ी साया सर पर से गया धूप आ गई
फ़स्ल बदली आफ़्ताब-ए-ज़िंदगानी फिर गया
गिर पड़े आँसू उरूज-ए-माह-ए-कामिल देख कर
मिरी नज़रों में तिरा अहद-ए-जवानी फिर गया
sū-e-dariyā ḳhanda-zan vo yār-e-jānī phir gayā
motiyoñ kī aabrū par aaj paanī phir gayā
sūiyāñ sī kuchh dil-e-vahshī meñ phir chubhne lagīñ
Thiik hone ko libās-e-arġhavānī phir gayā
hathkaḌī bhārī hai mere haath kī aaj ai junūñ
dast-e-jānāñ kā kahīñ chhallā nishānī phir gayā
zor paidā kar ki pahuñche jeb tak dast-e-junūñ
ab to mausam ai vafūr-e-nā-tavānī phir gayā
sarfroshān-e-mohabbat se na hogī aañkh chaar
muñh jo us kī teġh kā ai saḳht-jānī phir gayā
kahte ho ham aaj mulk-e-husn ke haiñ bādshāh
kyā humā bālā-e-sar ai yār-e-jānī phir gayā
kyuuñ kabūtar ke evaz hudhud na laayā ḳhatt-e-shauq
is ḳhatā par mujh se vo bilqīs-e-sānī phir gayā
bosa kaisā ik lab-e-shīrīñ se gaalī bhī na dī
aaj phir ummīd-vār-e-mehrbānī phir gayā
ai za.īfī saaya sar par se gayā dhuup aa ga.ī
fasl badlī āftāb-e-zindagānī phir gayā
gir paḌe aañsū urūj-e-māh-e-kāmil dekh kar
mirī nazroñ meñ tirā ahd-e-javānī phir gayā
سوئے دریا خندہ زن وہ یار جانی پھر گیا
موتیوں کی آبرو پر آج پانی پھر گیا
سوئیاں سی کچھ دل وحشی میں پھر چبھنے لگیں
ٹھیک ہونے کو لباس ارغوانی پھر گیا
ہتھکڑی بھاری ہے میرے ہاتھ کی آج اے جنوں
دست جاناں کا کہیں چھلا نشانی پھر گیا
زور پیدا کر کہ پہنچے جیب تک دست جنوں
اب تو موسم اے وفور ناتوانی پھر گیا
سرفروشان محبت سے نہ ہوگی آنکھ چار
منہ جو اس کی تیغ کا اے سخت جانی پھر گیا
کہتے ہو ہم آج ملک حسن کے ہیں بادشاہ
کیا ہما بالائے سر اے یار جانی پھر گیا
کیوں کبوتر کے عوض ہدہد نہ لایا خط شوق
اس خطا پر مجھ سے وہ بلقیس ثانی پھر گیا
بوسہ کیسا اک لب شیریں سے گالی بھی نہ دی
آج پھر امیدوار مہربانی پھر گیا
اے ضعیفی سایہ سر پر سے گیا دھوپ آ گئی
فصل بدلی آفتاب زندگانی پھر گیا
گر پڑے آنسو عروج ماہ کامل دیکھ کر
مری نظروں میں ترا عہد جوانی پھر گیا