सुबूत-ए-इश्तियाक़-ए-हम-रही लाओ तो आओ
हिसार-ए-ज़ात से बाहर निकल पाओ तो आओ
ज़मानों से फ़क़त लहरें गुमानों की गिनो हो
किसी दिन तुम ये दरिया पार कर जाओ तो आओ
हद-ए-ख़्वाहिश में जीना है तो जाओ राह अपनी
न दश्त-ए-शौक़ की वुसअत से घबराओ तो आओ
अजब बे-इख़्तियाराना थी हर आमद तुम्हारी
इसी मौज-ए-मोहब्बत में कभी आओ तो आओ
ये दरवेशों की दुनिया है करिश्मे इस के देखो
जहाँ से ही नहीं ख़ुद से भी उक्ताओ तो आओ
रिफ़ाक़त अहल-ए-ग़म की इक नशात-ए-मुख़्तलिफ़ है
जो रखते हो जिगर में दर्द का घाव तो आओ
हमें इस हिकमत-ए-दौराँ का इक नुक्ता बहुत है
अगर धुन है उलट दें वक़्त के दाओ तो आओ
subūt-e-ishtiyāq-e-ham-rahī laao to aao
hisār-e-zāt se bāhar nikal paao to aao
zamānoñ se faqat lahreñ gumānoñ kī gino ho
kisī din tum ye dariyā paar kar jaao to aao
had-e-ḳhvāhish meñ jiinā hai to jaao raah apnī
na dasht-e-shauq kī vus.at se ghabrāo to aao
ajab be-iḳhtiyārāna thī har aamad tumhārī
isī mauj-e-mohabbat meñ kabhī aao to aao
ye durveshoñ kī duniyā hai karishme is ke dekho
jahāñ se hī nahīñ ḳhud se bhī uktāo to aao
rifāqat ahl-e-ġham kī ik nashāt-e-muḳhtalif hai
jo rakhte ho jigar meñ dard kā ghaao to aao
hameñ is hikmat-e-daurāñ kā ik nukta bahut hai
agar dhun hai ulaT deñ vaqt ke daao to aao
ثبوت اشتیاق ہمرہی لاؤ تو آؤ
حصار ذات سے باہر نکل پاؤ تو آؤ
زمانوں سے فقط لہریں گمانوں کی گنو ہو
کسی دن تم یہ دریا پار کر جاؤ تو آؤ
حد خواہش میں جینا ہے تو جاؤ راہ اپنی
نہ دشت شوق کی وسعت سے گھبراؤ تو آؤ
عجب بے اختیارانہ تھی ہر آمد تمہاری
اسی موج محبت میں کبھی آؤ تو آؤ
یہ درویشوں کی دنیا ہے کرشمے اس کے دیکھو
جہاں سے ہی نہیں خود سے بھی اکتاؤ تو آؤ
رفاقت اہل غم کی اک نشاط مختلف ہے
جو رکھتے ہو جگر میں درد کا گھاؤ تو آؤ
ہمیں اس حکمت دوراں کا اک نکتہ بہت ہے
اگر دھن ہے الٹ دیں وقت کے داؤ تو آؤ