अपने होने की इहानत नहीं हम कर सकते
सो तिरी याद से ग़फ़लत नहीं हम कर सकते
दिल में लाते नहीं दुश्मन से भी नफ़रत का ख़याल
इस से कम कोई इबादत नहीं हम कर सकते
दूर रहते हैं तकब्बुर की हवा से लेकिन
इज्ज़ को ग़ाफ़िल-ए-ग़ैरत नहीं हम कर सकते
मस्लहत सहर बहुत फूँकती फिरती है भरे
कम क़द-ओ-क़ामत-ए-वहशत नहीं हम कर सकते
ढेर तफ़रीह-ए-तन-ओ-जाँ के लगा दो जितने
तर्क इक दर्द की दौलत नहीं हम कर सकते
छोड़ सकते हैं ये सब सहन-ओ-दर-ओ-बाम-ए-जहाँ
क़रिया-ए-ख़्वाब से हिजरत नहीं हम कर सकते
तुम ज़मीं पर जो ख़ुदा बनते चले जाते हो
क्या समझते हो बग़ावत नहीं हम कर सकते
जिस रविश भी हो रवाँ ग़ोल-ए-ज़माना 'आली'
आप से कोई रिआयत नहीं हम कर सकते
apne hone kī ihānat nahīñ ham kar sakte
so tirī yaad se ġhaflat nahīñ ham kar sakte
dil meñ laate nahīñ dushman se bhī nafrat kā ḳhayāl
is se kam koī ibādat nahīñ ham kar sakte
duur rahte haiñ takabbur kī havā se lekin
ijz ko ġhāfil-e-ġhairat nahīñ ham kar sakte
maslahat sahar bahut phūñktī phirtī hai bhare
kam qad-o-qāmat-e-vahshat nahīñ ham kar sakte
Dher tafrīh-e-tan-o-jāñ ke lagā do jitne
tark ik dard kī daulat nahīñ ham kar sakte
chhoḌ sakte haiñ ye sab sehn-o-dar-o-bām-e-jahāñ
qariya-e-ḳhvāb se hijrat nahīñ ham kar sakte
tum zamīñ par jo ḳhudā bante chale jaate ho
kyā samajhte ho baġhāvat nahīñ ham kar sakte
jis ravish bhī ho ravāñ ġhol-e-zamānā 'ālī'
aap se koī ri.āyat nahīñ ham kar sakte
اپنے ہونے کی اہانت نہیں ہم کر سکتے
سو تری یاد سے غفلت نہیں ہم کر سکتے
دل میں لاتے نہیں دشمن سے بھی نفرت کا خیال
اس سے کم کوئی عبادت نہیں ہم کر سکتے
دور رہتے ہیں تکبر کی ہوا سے لیکن
عجز کو غافل غیرت نہیں ہم کر سکتے
مصلحت سحر بہت پھونکتی پھرتی ہے بھرے
کم قد و قامت وحشت نہیں ہم کر سکتے
ڈھیر تفریح تن و جاں کے لگا دو جتنے
ترک اک درد کی دولت نہیں ہم کر سکتے
چھوڑ سکتے ہیں یہ سب صحن و در و بام جہاں
قریۂ خواب سے ہجرت نہیں ہم کر سکتے
تم زمیں پر جو خدا بنتے چلے جاتے ہو
کیا سمجھتے ہو بغاوت نہیں ہم کر سکتے
جس روش بھی ہو رواں غول زمانہ عالؔی
آپ سے کوئی رعایت نہیں ہم کر سکتے