सोच लीजे क्यों 'अज़ाब आया था क़ौम-ए-हूद पर
और फिर कुछ ग़ौर कीजे लम्हा-ए-मौजूद पर
सौ तरह की ख़्वाहिशें पेशानियों पर दर्ज हैं
लग रहा है साजिदों का क़र्ज़ है मस्जूद पर
रोज़-ए-अव्वल से जहाँ में दो तरह का है यक़ीं
एक इब्राहीम पर और दूसरा नमरूद पर
सूरा-ए-इख़लास की तस्वीर है गर ईश्वर
मेरा भी ईक़ान है फिर आप के मा'बूद पर
रात फिर मेरी ख़ुदा से फज्र तक गप-शप हुई
रात फिर हँसते रहे हम दोनों हस्त-ओ-बूद पर
शाम को फिर याद आई शाम के बाज़ार की
फिर किया मैं ने तबर्रा शाम के मरदूद पर
याद आ जाती हैं अब भी कूड़ा-करकट देख कर
भिनभिनाती मक्खियाँ इक तिफ़्ल-ए-नौ-मौलूद पर
हो सके तो दह्र का नक़्शा उठा कर देखिए
किस क़दर महदूद हैं हम अर्ज़-ए-ला-महदूद पर
तीन चौथाई सदी से चल रहे हैं क़ाफ़िले
हिज्रती पहुँचे नहीं हैं मंज़िल-ए-मक़्सूद पर
सिर्फ़ इतना ही कहूँगा मैं सिपह-सालार से
आप सिगरेट पी रहे हैं बैठ कर बारूद पर
बाप हूँ सो एक ही मसरफ़ है मेरी ज़ीस्त का
ख़र्च होना है मुझे औलाद की बहबूद पर
दोस्तों की क़द्र 'वासिफ़' पूछिए उस शख़्स से
वक़्त पड़ने पर लिया हो क़र्ज़ जिस ने सूद पर
soch liije kyoñ 'azāb aayā thā qaum-e-hūd par
aur phir kuchh ġhaur kiije lamha-e-maujūd par
sau tarah kī ḳhvāhisheñ peshāniyoñ par darj haiñ
lag rahā hai sājidoñ kā qarz hai masjūd par
roz-e-avval se jahāñ meñ do tarah kā hai yaqīñ
ek ibrāhīm par aur dūsrā namrūd par
sūra-e-iḳhlās kī tasvīr hai gar īshvar
merā bhī īqān hai phir aap ke mā'būd par
raat phir merī ḳhudā se fajr tak gap-shap huī
raat phir hañste rahe ham donoñ hast-o-būd par
shaam ko phir yaad aa.ī shaam ke bāzār kī
phir kiyā maiñ ne tabarrā shaam ke mardūd par
yaad aa jaatī haiñ ab bhī kūḌā-karkaT dekh kar
bhinbhinātī makkhiyāñ ik tifl-e-nau-maulūd par
ho sake to dahr kā naqsha uThā kar dekhiye
kis qadar mahdūd haiñ ham arz-e-lā-mahdūd par
tiin chauthā.ī sadī se chal rahe haiñ qāfile
hijratī pahuñche nahīñ haiñ manzil-e-maqsūd par
sirf itnā hī kahūñgā maiñ sipah-sālār se
aap cigarette pī rahe haiñ baiTh kar bārūd par
baap huuñ so ek hī masraf hai merī ziist kā
ḳharch honā hai mujhe aulād kī bahbūd par
dostoñ kī qadr 'vāsif' pūchhiye us shaḳhs se
vaqt paḌne par liyā ho qarz jis ne suud par
سوچ لیجے کیوں عذاب آیا تھا قوم ہود پر
اور پھر کچھ غور کیجے لمحۂ موجود پر
سو طرح کی خواہشیں پیشانیوں پر درج ہیں
لگ رہا ہے ساجدوں کا قرض ہے مسجود پر
روز اول سے جہاں میں دو طرح کا ہے یقیں
ایک ابراہیمؔ پر اور دوسرا نمرود پر
سورۂ اخلاص کی تصویر ہے گر ایشور
میرا بھی ایقان ہے پھر آپ کے معبود پر
رات پھر میری خدا سے فجر تک گپ شپ ہوئی
رات پھر ہنستے رہے ہم دونوں ہست و بود پر
شام کو پھر یاد آئی شام کے بازار کی
پھر کیا میں نے تبرا شام کے مردود پر
یاد آ جاتی ہیں اب بھی کوڑا کرکٹ دیکھ کر
بھنبھناتی مکھیاں اک طفل نو مولود پر
ہو سکے تو دہر کا نقشہ اٹھا کر دیکھیے
کس قدر محدود ہیں ہم ارض لا محدود پر
تین چوتھائی صدی سے چل رہے ہیں قافلے
ہجرتی پہنچے نہیں ہیں منزل مقصود پر
صرف اتنا ہی کہوں گا میں سپہ سالار سے
آپ سگریٹ پی رہے ہیں بیٹھ کر بارود پر
باپ ہوں سو ایک ہی مصرف ہے میری زیست کا
خرچ ہونا ہے مجھے اولاد کی بہبود پر
دوستوں کی قدر واصفؔ پوچھیے اس شخص سے
وقت پڑنے پر لیا ہو قرض جس نے سود پر