सियाह दश्त की जानिब सफ़र दोबारा किया
न जाने क़ाफ़ की परियों ने क्या इशारा किया
न तेज़ ओ तुंद हवा से मिली नजात मुझे
न मैं ने सल्तनत-ए-ख़ाक से किनारा किया
फ़लक की सम्त निगाहें उठाने से पहले
ज़मीं के सारे मनाज़िर को पारा पारा किया
सियाह बन में चमकता हूँ मिस्ल-ए-दीदा-ए-शेर
ये किस ने ज़र्रा-ए-आवारा को सितारा किया
ख़ुमार-ए-ख़्वाब उतरने में थोड़ी देर लगी
फिर उस के बाद बड़े शौक़ से नज़ारा किया
किसी ने मूँद के आँखों को फिर से खोल दिया
ये किस ने आप को दुनिया पे आश्कारा किया
हमारे होने के मंज़र की भी करामत देख
तुम्हारी चश्म को फ़व्वारा-ए-शरारा किया
नशे में नक़्शा रियासत ही का बिगाड़ दिया
ये क्या किया कि समरक़ंद को बुख़ारा किया
siyāh dasht kī jānib safar dobāra kiyā
na jaane qaaf kī pariyoñ ne kyā ishāra kiyā
na tez o tund havā se milī najāt mujhe
na maiñ ne saltanat-e-ḳhāk se kināra kiyā
falak kī samt nigāheñ uThāne se pahle
zamīñ ke saare manāzir ko paara paara kiyā
siyāh ban meñ chamaktā huuñ misl-e-dīda-e-sher
ye kis ne zarra-e-āvāra ko sitāra kiyā
ḳhumār-e-ḳhvāb utarne meñ thoḌī der lagī
phir us ke baad baḌe shauq se nazāra kiyā
kisī ne muuñd ke āñkhoñ ko phir se khol diyā
ye kis ne aap ko duniyā pe āshkārā kiyā
hamāre hone ke manzar kī bhī karāmat dekh
tumhārī chashm ko favvāra-e-sharāra kiyā
nashe meñ naqsha riyāsat hī kā bigāḌ diyā
ye kyā kiyā ki samarqand ko buḳhārā kiyā
سیاہ دشت کی جانب سفر دوبارہ کیا
نہ جانے قاف کی پریوں نے کیا اشارہ کیا
نہ تیز و تند ہوا سے ملی نجات مجھے
نہ میں نے سلطنت خاک سے کنارہ کیا
فلک کی سمت نگاہیں اٹھانے سے پہلے
زمیں کے سارے مناظر کو پارہ پارہ کیا
سیاہ بن میں چمکتا ہوں مثل دیدۂ شیر
یہ کس نے ذرۂ آوارہ کو ستارہ کیا
خمار خواب اترنے میں تھوڑی دیر لگی
پھر اس کے بعد بڑے شوق سے نظارہ کیا
کسی نے موند کے آنکھوں کو پھر سے کھول دیا
یہ کس نے آپ کو دنیا پہ آشکارا کیا
ہمارے ہونے کے منظر کی بھی کرامت دیکھ
تمہاری چشم کو فوارۂ شرارہ کیا
نشے میں نقشہ ریاست ہی کا بگاڑ دیا
یہ کیا کیا کہ سمرقند کو بخارا کیا