शाम का रंग जो गहरा हुआ आईने में
इक सितारा सा चमकने लगा आईने में
सब खिलौनों की तरह टूट रहे हैं पल-पल
और ये मंज़र मुझे डसता हुआ आईने में
गर्दिश-ए-वक़्त सँभलने नहीं देती मुझ को
सिलसिला टूटता बनता रहा आईने में
देख कर लहरों की शोरीदा-सरी याद आया
एक चेहरा कभी देखा हुआ आईने में
उस की आँखों में उतरते हुए महसूस हुआ
इक नए शहर का रस्ता मिला आईने में
आइना देख के क्यों चीख़ते रहते हो 'मतीन'
क्या कोई और है बैठा हुआ आईने में
shaam kā rang jo gahrā huā ā.īne meñ
ik sitāra sā chamakne lagā ā.īne meñ
sab khilaunoñ kī tarah TuuT rahe haiñ pal-pal
aur ye manzar mujhe Dastā huā ā.īne meñ
gardish-e-vaqt sañbhalne nahīñ detī mujh ko
silsila TūTtā bantā rahā ā.īne meñ
dekh kar lahroñ kī shorīda-sarī yaad aaya
ek chehra kabhī dekhā huā ā.īne meñ
us kī āñkhoñ meñ utarte hue mahsūs huā
ik na.e shahr kā rasta milā ā.īne meñ
aa.ina dekh ke kyoñ chīḳhte rahte ho 'matīn'
kyā koī aur hai baiThā huā ā.īne meñ
شام کا رنگ جو گہرا ہوا آئینے میں
اک ستارہ سا چمکنے لگا آئینے میں
سب کھلونوں کی طرح ٹوٹ رہے ہیں پل پل
اور یہ منظر مجھے ڈستا ہوا آئینے میں
گردش وقت سنبھلنے نہیں دیتی مجھ کو
سلسلہ ٹوٹتا بنتا رہا آئینے میں
دیکھ کر لہروں کی شوریدہ سری یاد آیا
ایک چہرہ کبھی دیکھا ہوا آئینے میں
اس کی آنکھوں میں اترتے ہوئے محسوس ہوا
اک نئے شہر کا رستہ ملا آئینے میں
آئنہ دیکھ کے کیوں چیختے رہتے ہو متینؔ
کیا کوئی اور ہے بیٹھا ہوا آئینے میں