अकेला घर है क्यों रहते हो क्या देती हैं दीवारें
यहाँ तो हँसने वालों को रुला देती हैं दीवारें
इन्हें भी अपनी तन्हाई का जब एहसास होता है
तो गहरी नींद से मुझ को जगा देती हैं दीवारें
बुझे माज़ी का खिलते हाल से रिश्ता अजब देखा
खंडर ख़ामोश हैं लेकिन सदा देती हैं दीवारें
हवा के ज़ख़्म सह कर बारिशों की चोट खा खा कर
छतों को रौज़नों को आसरा देती हैं दीवारें
रहूँ घर में तो मेरे सर पे चादर तान देती हैं
सफ़र पर जब निकलता हूँ दुआ देती हैं दीवारें
जो चलना ही न चाहे रोक लेते हैं उसे ज़र्रे
बगूलों को सफ़र में रास्ता देती हैं दीवारें
वो सारी गुफ़्तुगू जो बंद कमरों ही में होती है
मैं जब बाहर से आता हूँ सुना देती हैं दीवारें
उतरती और चढ़ती धूप की पहचान है इन को
अभी दिन कितना बाक़ी है बता देती हैं दीवारें
'मतीन' इस चिलचिलाती धूप में साया इन्ही से है
मैं जब भी टूटता हूँ हौसला देती हैं दीवारें
akelā ghar hai kyoñ rahte ho kyā detī haiñ dīvāreñ
yahāñ to hañsne vāloñ ko rulā detī haiñ dīvāreñ
inheñ bhī apnī tanhā.ī kā jab ehsās hotā hai
to gahrī niiñd se mujh ko jagā detī haiñ dīvāreñ
bujhe maazī kā khilte haal se rishta ajab dekhā
khañDar ḳhāmosh haiñ lekin sadā detī haiñ dīvāreñ
havā ke zaḳhm sah kar bārishoñ kī choT khā khā kar
chhatoñ ko rauzanoñ ko aasrā detī haiñ dīvāreñ
rahūñ ghar meñ to mere sar pe chādar taan detī haiñ
safar par jab nikaltā huuñ duā detī haiñ dīvāreñ
jo chalnā hī na chāhe rok lete haiñ use zarre
bagūloñ ko safar meñ rāsta detī haiñ dīvāreñ
vo saarī guftugū jo band kamroñ hī meñ hotī hai
maiñ jab bāhar se aatā huuñ sunā detī haiñ dīvāreñ
utartī aur chaḌhtī dhuup kī pahchān hai in ko
abhī din kitnā baaqī hai batā detī haiñ dīvāreñ
'matīn' is chilchilātī dhuup meñ saaya inhī se hai
maiñ jab bhī TūTtā huuñ hausla detī haiñ dīvāreñ
اکیلا گھر ہے کیوں رہتے ہو کیا دیتی ہیں دیواریں
یہاں تو ہنسنے والوں کو رلا دیتی ہیں دیواریں
انہیں بھی اپنی تنہائی کا جب احساس ہوتا ہے
تو گہری نیند سے مجھ کو جگا دیتی ہیں دیواریں
بجھے ماضی کا کھلتے حال سے رشتہ عجب دیکھا
کھنڈر خاموش ہیں لیکن صدا دیتی ہیں دیواریں
ہوا کے زخم سہہ کر بارشوں کی چوٹ کھا کھا کر
چھتوں کو روزنوں کو آسرا دیتی ہیں دیواریں
رہوں گھر میں تو میرے سر پہ چادر تان دیتی ہیں
سفر پر جب نکلتا ہوں دعا دیتی ہیں دیواریں
جو چلنا ہی نہ چاہے روک لیتے ہیں اسے ذرے
بگولوں کو سفر میں راستہ دیتی ہیں دیواریں
وہ ساری گفتگو جو بند کمروں ہی میں ہوتی ہے
میں جب باہر سے آتا ہوں سنا دیتی ہیں دیواریں
اترتی اور چڑھتی دھوپ کی پہچان ہے ان کو
ابھی دن کتنا باقی ہے بتا دیتی ہیں دیواریں
متینؔ اس چلچلاتی دھوپ میں سایہ انہی سے ہے
میں جب بھی ٹوٹتا ہوں حوصلہ دیتی ہیں دیواریں