इस तरफ़ आग का दरिया है उधर खाई है
हम ने भी पार उतरने की क़सम खाई है
अपने कमरे से निकल कर ज़रा देखो तो सही
धूप दीवार से आँगन में उतर आई है
जिन चराग़ों का तिरे नाम से रिश्ता ही नहीं
उन चराग़ों की ज़माने में पज़ीराई है
रात की शाख़ से लटके हैं सितारों के चराग़
घर की दहलीज़ पे बैठी हुई तन्हाई है
ऐसा मौसम है कि बे-बर्ग-ओ-समर हैं अश्जार
क्यों हवा शोर मचाने को चली आई है
धूप के शहर में बादल को तरसने वालो
आज बारिश नहीं होगी ये ख़बर आई है
जिस पे दीवार के उस पार का मंज़र न खुले
ऐसी बीनाई भी किस काम की बीनाई है
अपने अंदर का ये आलम भी अजब आलम है
भीड़ की भीड़ है तन्हाई की तन्हाई है
मुझ पे इल्ज़ाम है आहिस्ता-ख़िरामी का 'मतीन'
तेज़ चलता हूँ तो अहबाब की रुस्वाई है
is taraf aag kā dariyā hai udhar khaa.ī hai
ham ne bhī paar utarne kī qasam khaa.ī hai
apne kamre se nikal kar zarā dekho to sahī
dhuup dīvār se āñgan meñ utar aa.ī hai
jin charāġhoñ kā tire naam se rishta hī nahīñ
un charāġhoñ kī zamāne meñ pazīrā.ī hai
raat kī shāḳh se laTke haiñ sitāroñ ke charāġh
ghar kī dahlīz pe baiThī huī tanhā.ī hai
aisā mausam hai ki be-barg-o-samar haiñ ashjār
kyoñ havā shor machāne ko chalī aa.ī hai
dhuup ke shahr meñ bādal ko tarasne vaalo
aaj bārish nahīñ hogī ye ḳhabar aa.ī hai
jis pe dīvār ke us paar kā manzar na khule
aisī bīnā.ī bhī kis kaam kī bīnā.ī hai
apne andar kā ye aalam bhī ajab aalam hai
bhiiḌ kī bhiiḌ hai tanhā.ī kī tanhā.ī hai
mujh pe ilzām hai āhista-ḳhirāmī kā 'matīn'
tez chaltā huuñ to ahbāb kī rusvā.ī hai
اس طرف آگ کا دریا ہے ادھر کھائی ہے
ہم نے بھی پار اترنے کی قسم کھائی ہے
اپنے کمرے سے نکل کر ذرا دیکھو تو سہی
دھوپ دیوار سے آنگن میں اتر آئی ہے
جن چراغوں کا ترے نام سے رشتہ ہی نہیں
ان چراغوں کی زمانے میں پذیرائی ہے
رات کی شاخ سے لٹکے ہیں ستاروں کے چراغ
گھر کی دہلیز پہ بیٹھی ہوئی تنہائی ہے
ایسا موسم ہے کہ بے برگ و ثمر ہیں اشجار
کیوں ہوا شور مچانے کو چلی آئی ہے
دھوپ کے شہر میں بادل کو ترسنے والو
آج بارش نہیں ہوگی یہ خبر آئی ہے
جس پہ دیوار کے اس پار کا منظر نہ کھلے
ایسی بینائی بھی کس کام کی بینائی ہے
اپنے اندر کا یہ عالم بھی عجب عالم ہے
بھیڑ کی بھیڑ ہے تنہائی کی تنہائی ہے
مجھ پہ الزام ہے آہستہ خرامی کا متینؔ
تیز چلتا ہوں تو احباب کی رسوائی ہے