हवा बहुत तेज़ चल रही है चराग़-ए-जाँ फिर भी जल रहा है
ये कौन है जो हमारे पीछे हवा के हमराह चल रहा है
गुमाँ की बस्ती में रहने वालो ज़रा पहाड़ी पे चढ़ के देखो
उधर नदी है वहीं से शहर-ए-यक़ीं का रस्ता निकल रहा है
सराब-अंदर-सराब तुम हो चराग़-अंदर-चराग़ हम हैं
हमीं से तारीकियाँ हैं ख़ाइफ़ हमीं से ख़ुर्शेद जल रहा है
हमारे बच्चे यहाँ रहेंगे तो आँधियों में घिरे रहेंगे
उन्हें यहाँ से निकलना होगा यहाँ का मंज़र बदल रहा है
पुरानी क़ब्रों पे आज कितने नए मकानों की ज़िंदगी है
जो आज है बस उसी को देखो वो भूल जाओ जो कल रहा है
किसी ने शाने पे हाथ रख कर जो नाम पूछा 'मतीन' अपना
चराग़ आँखों में जल-बुझे हैं वजूद सारा पिघल रहा है
havā bahut tez chal rahī hai charāġh-e-jāñ phir bhī jal rahā hai
ye kaun hai jo hamāre pīchhe havā ke hamrāh chal rahā hai
gumāñ kī bastī meñ rahne vaalo zarā pahāḌī pe chaḌh ke dekho
udhar nadī hai vahīñ se shahr-e-yaqīñ kā rasta nikal rahā hai
sarāb-andar-sarāb tum ho charāġh-andar-charāġh ham haiñ
hamīñ se tārīkiyāñ haiñ ḳhā.if hamīñ se ḳhurshed jal rahā hai
hamāre bachche yahāñ raheñge to āñdhiyoñ meñ ghire raheñge
unheñ yahāñ se nikalnā hogā yahāñ kā manzar badal rahā hai
purānī qabroñ pe aaj kitne na.e makānoñ kī zindagī hai
jo aaj hai bas usī ko dekho vo bhuul jaao jo kal rahā hai
kisī ne shāne pe haath rakh kar jo naam pūchhā 'matīn' apnā
charāġh āñkhoñ meñ jal-bujhe haiñ vajūd saarā pighal rahā hai
ہوا بہت تیز چل رہی ہے چراغ جاں پھر بھی جل رہا ہے
یہ کون ہے جو ہمارے پیچھے ہوا کے ہم راہ چل رہا ہے
گماں کی بستی میں رہنے والو ذرا پہاڑی پہ چڑھ کے دیکھو
ادھر ندی ہے وہیں سے شہر یقیں کا رستہ نکل رہا ہے
سراب اندر سراب تم ہو چراغ اندر چراغ ہم ہیں
ہمیں سے تاریکیاں ہیں خائف ہمیں سے خورشید جل رہا ہے
ہمارے بچے یہاں رہیں گے تو آندھیوں میں گھرے رہیں گے
انہیں یہاں سے نکلنا ہوگا یہاں کا منظر بدل رہا ہے
پرانی قبروں پہ آج کتنے نئے مکانوں کی زندگی ہے
جو آج ہے بس اسی کو دیکھو وہ بھول جاؤ جو کل رہا ہے
کسی نے شانے پہ ہاتھ رکھ کر جو نام پوچھا متینؔ اپنا
چراغ آنکھوں میں جل بجھے ہیں وجود سارا پگھل رہا ہے