शाख़-ए-बे-नुमू पर भी अक्स-ए-गुल जवाँ रखना
आ गया हमें आली दिल को शादमाँ रखना
बे-फ़लक ज़मीनों पर रौशनी को तरसोगे
सोच के दरीचों में कोई कहकशाँ रखना
रह-रव-ए-तमन्ना की दास्ताँ है बस इतनी
सुब्ह ओ शाम इक धुन में ख़ुद को नीम-जाँ रखना
कार-ओ-बार-ए-दुनिया में अहल-ए-दर्द की दौलत
सूद सब लुटा देना पास हर ज़ियाँ रखना
उस की याद में हम को रब्त ओ ज़ब्त गिर्या से
शब लहू लहू रखनी दिन धुआँ धुआँ रखना
इश्क़ ख़ुद सिखाता है सारी हिकमतें 'आली'
नक़्द-ए-दिल किसे देना बार-ए-सर कहाँ रखना
shāḳh-e-be-numū par bhī aks-e-gul javāñ rakhnā
aa gayā hameñ aalī dil ko shādmāñ rakhnā
be-falak zamīnoñ par raushnī ko tarsoge
soch ke darīchoñ meñ koī kahkashāñ rakhnā
rah-rav-e-tamannā kī dāstāñ hai bas itnī
sub.h o shaam ik dhun meñ ḳhud ko nīm-jāñ rakhnā
kār-o-bār-e-duniyā meñ ahl-e-dard kī daulat
suud sab luTā denā paas har ziyāñ rakhnā
us kī yaad meñ ham ko rabt o zabt girya se
shab lahū lahū rakhnī din dhuāñ dhuāñ rakhnā
ishq ḳhud sikhātā hai saarī hikmateñ 'ālī'
naqd-e-dil kise denā bār-e-sar kahāñ rakhnā
شاخ بے نمو پر بھی عکس گل جواں رکھنا
آ گیا ہمیں عالی دل کو شادماں رکھنا
بے فلک زمینوں پر روشنی کو ترسو گے
سوچ کے دریچوں میں کوئی کہکشاں رکھنا
رہرو تمنا کی داستاں ہے بس اتنی
صبح و شام اک دھن میں خود کو نیم جاں رکھنا
کار و بار دنیا میں اہل درد کی دولت
سود سب لٹا دینا پاس ہر زیاں رکھنا
اس کی یاد میں ہم کو ربط و ضبط گریہ سے
شب لہو لہو رکھنی دن دھواں دھواں رکھنا
عشق خود سکھاتا ہے ساری حکمتیں عالؔی
نقد دل کسے دینا بار سر کہاں رکھنا