सँभालने से तबीअत कहाँ सँभलती है
वो बे-कसी है कि दुनिया रगों में चलती है
ये सर्द-मेहर उजाला ये जीती-जागती रात
तिरे ख़याल से तस्वीर-ए-माह जलती है
वो चाल हो कि बदन हो कमान जैसी कशिश
क़दम से घात अदा से अदा निकलती है
तुम्हें ख़याल नहीं किस तरह बताएँ तुम्हें
कि साँस चलती है लेकिन उदास चलती है
तुम्हारे शहर का इंसाफ़ है अजब इंसाफ़
इधर निगाह उधर ज़िंदगी बदलती है
बिखर गए मुझे साँचे में ढालने वाले
यहाँ तो ज़ात भी साँचे समेत ढलती है
ख़िज़ाँ है हासिल-ए-हंगामा-ए-बहार 'ख़िज़ाँ'
बहार फूलती है काएनात फलती है
sambhālne se tabī.at kahāñ sambhaltī hai
vo be-kasī hai ki duniyā ragoñ meñ chaltī hai
ye sard-mehr ujālā ye jītī-jāgtī raat
tire ḳhayāl se tasvīr-e-māh jaltī hai
vo chaal ho ki badan ho kamān jaisī kashish
qadam se ghaat adā se adā nikaltī hai
tumheñ ḳhayāl nahīñ kis tarah batā.eñ tumheñ
ki saañs chaltī hai lekin udaas chaltī hai
tumhāre shahr kā insāf hai ajab insāf
idhar nigāh udhar zindagī badaltī hai
bikhar ga.e mujhe sāñche meñ Dhālne vaale
yahāñ to zaat bhī sāñche samet Dhaltī hai
ḳhizāñ hai hāsil-e-hañgāma-e-bahār 'ḳhizāñ'
bahār phūltī hai kā.enāt phaltī hai
سنبھالنے سے طبیعت کہاں سنبھلتی ہے
وہ بے کسی ہے کہ دنیا رگوں میں چلتی ہے
یہ سرد مہر اجالا یہ جیتی جاگتی رات
ترے خیال سے تصویر ماہ جلتی ہے
وہ چال ہو کہ بدن ہو کمان جیسی کشش
قدم سے گھات ادا سے ادا نکلتی ہے
تمہیں خیال نہیں کس طرح بتائیں تمہیں
کہ سانس چلتی ہے لیکن اداس چلتی ہے
تمہارے شہر کا انصاف ہے عجب انصاف
ادھر نگاہ ادھر زندگی بدلتی ہے
بکھر گئے مجھے سانچے میں ڈھالنے والے
یہاں تو ذات بھی سانچے سمیت ڈھلتی ہے
خزاں ہے حاصل ہنگامۂ بہار خزاںؔ
بہار پھولتی ہے کائنات پھلتی ہے