सब्र से टूटा हुआ ज़ब्त से हारा हुआ मैं
जितना बाक़ी बचा हूँ उतना तुम्हारा हुआ मैं
फूल खिलते गए बनता गया तन गुलदस्ता
देखते देखते ज़ख़्मों से नज़ारा हुआ मैं
उम्र-भर दुनिया के ईंधन में पकाया गया हूँ
आप के चाक से ना-पुख़्ता उतारा हुआ मैं
अब ज़मीं-ज़ाद मुझे देख के रह देखते हैं
ऊँचा उड़ता गया इतना कि सितारा हुआ मैं
चुनने वालों का भला हो जो मुझे ढूँड के लाए
टुकड़े-टुकड़े को मिला कर ही तो सारा हुआ मैं
ज़िंदगी एक जुआरी का गुज़ारा हुआ पल
और उस पल के शबिस्तान में हारा हुआ मैं
जब मिरे दिल का मचलता हुआ अरमाँ हुए आप
आप की जुम्बिश-ए-अबरू का इशारा हुआ मैं
आप को देख के काफ़िर हुआ था शूमी-ए-बख़्त
आप से मिल के मुसलमान दोबारा हुआ मैं
अब किसी लौह-ए-लहद की तरह मिटता हुआ नक़्श
और फिर हश्र में इक नाम पुकारा हुआ मैं
अपनी देरीना रिवायात का सौदा कर के
अपने अज्दाद की दौलत का ख़सारा हुआ मैं
सालहा-साल निगाहों के चलन सीखे हैं
अब कहीं जा के ज़माने को गवारा हुआ मैं
sabr se TuuTā huā zabt se haarā huā maiñ
jitnā baaqī bachā huuñ utnā tumhārā huā maiñ
phuul khilte ga.e bantā gayā tan guldasta
dekhte dekhte zaḳhmoñ se nazāra huā maiñ
umr-bhar duniyā ke īñdhan meñ pakāyā gayā huuñ
aap ke chaak se nā-puḳhta utārā huā maiñ
ab zamīñ-zād mujhe dekh ke rah dekhte haiñ
ūñchā uḌtā gayā itnā ki sitārā huā maiñ
chunne vāloñ kā bhalā ho jo mujhe DhūñD ke laa.e
TukḌe-TukḌe ko milā kar hī to saarā huā maiñ
zindagī ek juārī kā guzārā huā pal
aur us pal ke shabistān meñ haarā huā maiñ
jab mire dil kā machaltā huā armāñ hue aap
aap kī jumbish-e-abrū kā ishāra huā maiñ
aap ko dekh ke kāfir huā thā shūmī-e-baḳht
aap se mil ke musalmān dobāra huā maiñ
ab kisī lauh-e-lahad kī tarah miTtā huā naqsh
aur phir hashr meñ ik naam pukārā huā maiñ
apnī derīna rivāyāt kā saudā kar ke
apne ajdād kī daulat kā ḳhasāra huā maiñ
sālhā-sāl nigāhoñ ke chalan sīkhe haiñ
ab kahīñ jā ke zamāne ko gavārā huā maiñ
صبر سے ٹوٹا ہوا ضبط سے ہارا ہوا میں
جتنا باقی بچا ہوں اتنا تمہارا ہوا میں
پھول کھلتے گئے بنتا گیا تن گلدستہ
دیکھتے دیکھتے زخموں سے نظارہ ہوا میں
عمر بھر دنیا کے ایندھن میں پکایا گیا ہوں
آپ کے چاک سے ناپختہ اتارا ہوا میں
اب زمیں زاد مجھے دیکھ کے رہ دیکھتے ہیں
اونچا اڑتا گیا اتنا کہ ستارا ہوا میں
چننے والوں کا بھلا ہو جو مجھے ڈھونڈ کے لائے
ٹکڑے ٹکڑے کو ملا کر ہی تو سارا ہوا میں
زندگی ایک جواری کا گزارا ہوا پل
اور اس پل کے شبستان میں ہارا ہوا میں
جب مرے دل کا مچلتا ہوا ارماں ہوئے آپ
آپ کی جنبش ابرو کا اشارہ ہوا میں
آپ کو دیکھ کے کافر ہوا تھا شومئی بخت
آپ سے مل کے مسلمان دوبارہ ہوا میں
اب کسی لوح لحد کی طرح مٹتا ہوا نقش
اور پھر حشر میں اک نام پکارا ہوا میں
اپنی دیرینہ روایات کا سودا کر کے
اپنے اجداد کی دولت کا خسارہ ہوا میں
سالہا سال نگاہوں کے چلن سیکھے ہیں
اب کہیں جا کے زمانے کو گوارا ہوا میں