सबील-ए-सज्दा-ए-ना-मुख़्ततम बनाते हुए
ख़ुदा तक आए हैं क्या क्या सनम बनाते हुए
ग़ुरूर-ए-इश्क़ में इक इंकिसार-ए-फ़क़्र भी है
ख़मीदा-सर हैं वफ़ा को अलम बनाते हुए
तिरे ख़याल की रौ है कि कोई मौज-ए-तरब
गुज़र रही है अजब ज़ेर-ओ-बम बनाते हुए
जबीन-ए-वक़्त पे सब्त अपना नक़्श उस ने किया
दिलों के दाग़ चराग़-ए-हरम बनाते हुए
तो क्या ज़रूर कि तहक़ीर ख़ल्क़ करते फिरो
इक अपना अक्स-ए-अना मुहतशम बनाते हुए
गुज़ारते हैं कहाँ ज़िंदगी गुज़रती है
बस एक राह ब-सू-ए-अदम बनाते हुए
sabīl-e-sajda-e-nā-muḳhtatam banāte hue
ḳhudā tak aa.e haiñ kyā kyā sanam banāte hue
ġhurūr-e-ishq meñ ik inkisār-e-faqr bhī hai
ḳhamīda-sar haiñ vafā ko alam banāte hue
tire ḳhayāl kī rau hai ki koī mauj-e-tarab
guzar rahī hai ajab zer-o-bam banāte hue
jabīn-e-vaqt pe sabt apnā naqsh us ne kiyā
diloñ ke daaġh charāġh-e-haram banāte hue
to kyā zarūr ki tahqīr ḳhalq karte phiro
ik apnā aks-e-anā muhtashim banāte hue
guzārte haiñ kahāñ zindagī guzartī hai
bas ek raah ba-sū-e-adam banāte hue
سبیل سجدۂ نا مختتم بناتے ہوئے
خدا تک آئے ہیں کیا کیا صنم بناتے ہوئے
غرور عشق میں اک انکسار فقر بھی ہے
خمیدہ سر ہیں وفا کو علم بناتے ہوئے
ترے خیال کی رو ہے کہ کوئی موج طرب
گزر رہی ہے عجب زیر و بم بناتے ہوئے
جبین وقت پہ ثبت اپنا نقش اس نے کیا
دلوں کے داغ چراغ حرم بناتے ہوئے
تو کیا ضرور کہ تحقیر خلق کرتے پھرو
اک اپنا عکس انا محتشم بناتے ہوئے
گزارتے ہیں کہاں زندگی گزرتی ہے
بس ایک راہ بہ سوئے عدم بناتے ہوئے