सबब तलाश न कर बस यूँही है ये दुनिया
वही बहुत है जो कुछ जानती है ये दुनिया
खुलत में बंद हैं कोंपल के सोते जागते रंग
परत परत में नई दिलकशी है ये दुनिया
उलझते रहने में कुछ भी नहीं थकन के सिवा
बहुत हक़ीर हैं हम तुम बड़ी है ये दुनिया
ये लोग साँस भी लेते हैं ज़िंदा भी हैं मगर
हर आन जैसे इन्हें रोकती है ये दुनिया
बहुत दिनों तो ये शर्मिंदगी थी शामिल-ए-हाल
हमीं ख़राब हैं अच्छी भली है ये दुनिया
हरे-भरे रहें तेरे चमन तिरे गुलज़ार
हरा है ज़ख़्म-ए-तमन्ना भरी है ये दुनिया
तुम अपनी लहर में हो और किसी भँवर की तरह
मैं दूसरा हूँ कोई तीसरी है ये दुनिया
वो अपने साथ भी रहते हैं चुप भी रहते हैं
जिन्हें ख़बर है कि क्या बेचती है ये दुनिया
'ख़िज़ाँ' न सोच कि बिकती है क्यूँ बदन की बहार
समझ कि रूह की सौदा-गरी है ये दुनिया
sabab talāsh na kar bas yūñhī hai ye duniyā
vahī bahut hai jo kuchh jāntī hai ye duniyā
khulat meñ band haiñ koñpal ke sote jāgte rañg
parat parat meñ na.ī dilkashī hai ye duniyā
ulajhte rahne meñ kuchh bhī nahīñ thakan ke sivā
bahut haqīr haiñ ham tum baḌī hai ye duniyā
ye log saañs bhī lete haiñ zinda bhī haiñ magar
har aan jaise inheñ roktī hai ye duniyā
bahut dinoñ to ye sharmindagī thī shāmil-e-hāl
hamīñ ḳharāb haiñ achchhī bhalī hai ye duniyā
hare-bhare raheñ tere chaman tire gulzār
harā hai zaḳhm-e-tamannā bharī hai ye duniyā
tum apnī lahr meñ ho aur kisī bhañvar kī tarah
maiñ dūsrā huuñ koī tīsrī hai ye duniyā
vo apne saath bhī rahte haiñ chup bhī rahte haiñ
jinheñ ḳhabar hai ki kyā bechtī hai ye duniyā
'ḳhizāñ' na soch ki biktī hai kyuuñ badan kī bahār
samajh ki ruuh kī saudā-garī hai ye duniyā
سبب تلاش نہ کر بس یونہی ہے یہ دنیا
وہی بہت ہے جو کچھ جانتی ہے یہ دنیا
کھلت میں بند ہیں کونپل کے سوتے جاگتے رنگ
پرت پرت میں نئی دل کشی ہے یہ دنیا
الجھتے رہنے میں کچھ بھی نہیں تھکن کے سوا
بہت حقیر ہیں ہم تم بڑی ہے یہ دنیا
یہ لوگ سانس بھی لیتے ہیں زندہ بھی ہیں مگر
ہر آن جیسے انہیں روکتی ہے یہ دنیا
بہت دنوں تو یہ شرمندگی تھی شامل حال
ہمیں خراب ہیں اچھی بھلی ہے یہ دنیا
ہرے بھرے رہیں تیرے چمن ترے گل زار
ہرا ہے زخم تمنا بھری ہے یہ دنیا
تم اپنی لہر میں ہو اور کسی بھنور کی طرح
میں دوسرا ہوں کوئی تیسری ہے یہ دنیا
وہ اپنے ساتھ بھی رہتے ہیں چپ بھی رہتے ہیں
جنہیں خبر ہے کہ کیا بیچتی ہے یہ دنیا
خزاںؔ نہ سوچ کہ بکتی ہے کیوں بدن کی بہار
سمجھ کہ روح کی سودا گری ہے یہ دنیا