सब रंग में उस गुल की मिरे शान है मौजूद
ग़ाफ़िल तू ज़रा देख वो हर आन है मौजूद
हर तार का दामन के मिरे कर के तबर्रुक
सर-बस्ता हर इक ख़ार-ए-बयाबान है मौजूद
उर्यानी-ए-तन है ये ब-अज़-ख़िलअत-ए-शाही
हम को ये तिरे इश्क़ में सामान है मौजूद
किस तरह लगावे कोई दामाँ को तिरे हाथ
होने को तू अब दस्त-ओ-गरेबान है मौजूद
लेता ही रहा रात तिरे रुख़ की बलाएँ
तू पूछ ले ये ज़ुल्फ़-ए-परेशान है मौजूद
तुम चश्म-ए-हक़ीक़त से अगर आप को देखो
आईना-ए-हक़ में दिल-ए-इंसान है मौजूद
कहता है 'ज़फ़र' हैं ये सुख़न आगे सभों के
जो कोई यहाँ साहिब-ए-इरफ़ान है मौजूद
sab rañg meñ us gul kī mire shaan hai maujūd
ġhāfil tū zarā dekh vo har aan hai maujūd
har taar kā dāman ke mire kar ke tabarruk
sar-basta har ik ḳhār-e-bayābān hai maujūd
uryāni-e-tan hai ye ba-az-ḳhil.at-e-shāhī
ham ko ye tire ishq meñ sāmān hai maujūd
kis tarah lagāve koī dāmāñ ko tire haath
hone ko tū ab dast-o-garebān hai maujūd
letā hī rahā raat tire ruḳh kī balā.eñ
tū pūchh le ye zulf-e-pareshān hai maujūd
tum chashm-e-haqīqat se agar aap ko dekho
ā.īna-e-haq meñ dil-e-insān hai maujūd
kahtā hai 'zafar' haiñ ye suḳhan aage sabhoñ ke
jo koī yahāñ sāhib-e-irfān hai maujūd
سب رنگ میں اس گل کی مرے شان ہے موجود
غافل تو ذرا دیکھ وہ ہر آن ہے موجود
ہر تار کا دامن کے مرے کر کے تبرک
سربستہ ہر اک خار بیابان ہے موجود
عریانی تن ہے یہ بہ از خلعت شاہی
ہم کو یہ ترے عشق میں سامان ہے موجود
کس طرح لگاوے کوئی داماں کو ترے ہاتھ
ہونے کو تو اب دست و گریبان ہے موجود
لیتا ہی رہا رات ترے رخ کی بلائیں
تو پوچھ لے یہ زلف پریشان ہے موجود
تم چشم حقیقت سے اگر آپ کو دیکھو
آئینۂ حق میں دل انسان ہے موجود
کہتا ہے ظفرؔ ہیں یہ سخن آگے سبھوں کے
جو کوئی یہاں صاحب عرفان ہے موجود