साँस लीजे तो बिखर जाते हैं जैसे ग़ुंचे
अब के आवाज़ में बजते हैं ख़िज़ाँ के पत्ते
चढ़ते सूरज पे पड़ें साए हम आवारों के
वो दिया अब के हथेली पे जला कर चलिए
शाम को घर से निकल कर न पलटने वाले
दर-ओ-दीवार से साए तिरे रुख़्सत न हुए
बेवफ़ा कह के तुझे अपना भरम क्यूँ खोलें
ऐ सुबुक-गाम हमीं रह गए तुझ से पीछे
वा हो आग़ोश-ए-मोहब्बत से जो तन्हाई में
ऐसा लगता है कि हम पर कोई सूली उतरे
बात करते हैं तो गूँज उठती है आवाज़-ए-शिकस्त
और क़दम रक्खें तो गलियों की ज़मीं बज उठ्ठे
सदियों में भी जो गुज़ारें तो न गुज़रे यारो
हाए वो लम्हा कि जिस में कोई प्यारा बिछड़े
'हशमी' घर के सुतूनों से लिपट कर रोना
बे-नवाई के ये अंदाज़ कहाँ थे पहले
saañs liije to bikhar jaate haiñ jaise ġhunche
ab ke āvāz meñ bajte haiñ ḳhizāñ ke patte
chaḌhte sūraj pe paḌeñ saa.e ham āvāroñ ke
vo diyā ab ke hathelī pe jalā kar chaliye
shaam ko ghar se nikal kar na palaTne vaale
dar-o-dīvār se saa.e tire ruḳhsat na hue
bevafā kah ke tujhe apnā bharam kyuuñ kholeñ
ai subuk-gām hamīñ rah ga.e tujh se pīchhe
vā ho āġhosh-e-mohabbat se jo tanhā.ī meñ
aisā lagtā hai ki ham par koī suulī utre
baat karte haiñ to guuñj uThtī hai āvāz-e-shikast
aur qadam rakkheñ to galiyoñ kī zamīñ baj uTThe
sadiyoñ meñ bhī jo guzāreñ to na guzre yaaro
haa.e vo lamha ki jis meñ koī pyārā bichhḌe
'hashamī' ghar ke sutūnoñ se lipaT kar ronā
be-navā.ī ke ye andāz kahāñ the pahle
سانس لیجے تو بکھر جاتے ہیں جیسے غنچے
اب کے آواز میں بجتے ہیں خزاں کے پتے
چڑھتے سورج پہ پڑیں سائے ہم آواروں کے
وہ دیا اب کے ہتھیلی پہ جلا کر چلیے
شام کو گھر سے نکل کر نہ پلٹنے والے
در و دیوار سے سائے ترے رخصت نہ ہوئے
بے وفا کہہ کے تجھے اپنا بھرم کیوں کھولیں
اے سبک گام ہمیں رہ گئے تجھ سے پیچھے
وا ہو آغوش محبت سے جو تنہائی میں
ایسا لگتا ہے کہ ہم پر کوئی سولی اترے
بات کرتے ہیں تو گونج اٹھتی ہے آواز شکست
اور قدم رکھیں تو گلیوں کی زمیں بج اٹھے
صدیوں میں بھی جو گزاریں تو نہ گزرے یارو
ہائے وہ لمحہ کہ جس میں کوئی پیارا بچھڑے
حشمیؔ گھر کے ستونوں سے لپٹ کر رونا
بے نوائی کے یہ انداز کہاں تھے پہلے