हम ज़माने में मोहब्बत के भिकारी ठहरे
दोस्त हैं सब के मगर दुश्मन-ए-जाँ हैं अपने
आज की रात कहीं शो'ला-ए-गुल ही भड़के
जाने कल सुब्ह कहाँ होंगे हम उड़ते पत्ते
जान-ए-मन अब के ये आदाब हैं तेरे कैसे
बाँकपन मेरी ग़ज़ल का तिरी महफ़िल में लुटे
वो सबा है तो रहे किस लिए गुलशन से परे
ये शब-ए-गुल है तो क्यूँ सेज पे काँटों के कटे
क्यूँ फिरे दश्त में दीवाने हुए किस के लिए
हम को मा'लूम नहीं पूछिए उन आँखों से
मर चुकीं कब की तमन्नाएँ सिसक कर लेकिन
दिल की दीवार से रातों को कोई सर पटके
कहीं मंज़िल से भटक जाए न दीवाना-ए-गुल
जादा-ए-शहर-ए-बहाराँ में बिछा दो काँटे
डाल दिल खोल के इन टूटे हुए शीशों में
संग आए हैं बहुत राह में हम पर प्यारे
ये तिरी याद का 'आलम शब-ए-तन्हाई में
जैसे लहरा के किरन काली घटा से छूटे
इन भरी राहों में सब मेरे हैं मैं किस का हूँ
दूँ सदा किस को लगे कौन कलेजे से मिरे
कौन उतरेगा मिरे दिल के गुलिस्तानों में
कौन गुज़रेगा मिरे चेहरे के सहराओं से
राख इस घर में वो उड़ती है कि जैसे 'हशमी'
ताक़ में शम' न थी सहन में महताब न थे
ham zamāne meñ mohabbat ke bhikārī Thahre
dost haiñ sab ke magar dushman-e-jāñ haiñ apne
aaj kī raat kahīñ sho.ala-e-gul hī bhaḌke
jaane kal sub.h kahāñ hoñge ham uḌte patte
jān-e-man ab ke ye ādāb haiñ tere kaise
bāñkpan merī ġhazal kā tirī mahfil meñ luTe
vo sabā hai to rahe kis liye gulshan se pare
ye shab-e-gul hai to kyuuñ sej pe kāñToñ ke kaTe
kyuuñ phire dasht meñ dīvāne hue kis ke liye
ham ko ma.alūm nahīñ pūchhiye un āñkhoñ se
mar chukīñ kab kī tamannā.eñ sisak kar lekin
dil kī dīvār se rātoñ ko koī sar paTke
kahīñ manzil se bhaTak jaa.e na dīvāna-e-gul
jāda-e-shahr-e-bahārāñ meñ bichhā do kāñTe
Daal dil khol ke in TuuTe hue shīshoñ meñ
sañg aa.e haiñ bahut raah meñ ham par pyāre
ye tirī yaad kā 'ālam shab-e-tanhā.ī meñ
jaise lahrā ke kiran kaalī ghaTā se chhūTe
in bharī rāhoñ meñ sab mere haiñ maiñ kis kā huuñ
duuñ sadā kis ko lage kaun kaleje se mire
kaun utregā mire dil ke gulistānoñ meñ
kaun guzregā mire chehre ke sahrāoñ se
raakh is ghar meñ vo uḌtī hai ki jaise 'hashamī'
taaq meñ sham' na thī sahn meñ mahtāb na the
ہم زمانے میں محبت کے بھکاری ٹھہرے
دوست ہیں سب کے مگر دشمن جاں ہیں اپنے
آج کی رات کہیں شعلۂ گل ہی بھڑکے
جانے کل صبح کہاں ہوں گے ہم اڑتے پتے
جان من اب کے یہ آداب ہیں تیرے کیسے
بانکپن میری غزل کا تری محفل میں لٹے
وہ صبا ہے تو رہے کس لئے گلشن سے پرے
یہ شب گل ہے تو کیوں سیج پہ کانٹوں کے کٹے
کیوں پھرے دشت میں دیوانے ہوئے کس کے لئے
ہم کو معلوم نہیں پوچھئے ان آنکھوں سے
مر چکیں کب کی تمنائیں سسک کر لیکن
دل کی دیوار سے راتوں کو کوئی سر پٹکے
کہیں منزل سے بھٹک جائے نہ دیوانہ گل
جادۂ شہر بہاراں میں بچھا دو کانٹے
ڈال دل کھول کے ان ٹوٹے ہوئے شیشوں میں
سنگ آئے ہیں بہت راہ میں ہم پر پیارے
یہ تری یاد کا عالم شب تنہائی میں
جیسے لہرا کے کرن کالی گھٹا سے چھوٹے
ان بھری راہوں میں سب میرے ہیں میں کس کا ہوں
دوں صدا کس کو لگے کون کلیجے سے مرے
کون اترے گا مرے دل کے گلستانوں میں
کون گزرے گا مرے چہرے کے صحراؤں سے
راکھ اس گھر میں وہ اڑتی ہے کہ جیسے حشمیؔ
طاق میں شمع نہ تھی صحن میں مہتاب نہ تھے