रूदाद-ए-शौक़ ये है मिरी मुख़्तसर तमाम
रानाइयों में खो गया ज़ौक़-ए-नज़र तमाम
गुज़रा है गुल-बदन कोई मेरी तलाश में
महकी हुई है आज मिरी रहगुज़र तमाम
वो दिन भी क्या थे जब थी हवाओं से गुफ़्तुगू
अब हम से बात करते हैं दीवार-ओ-दर तमाम
ख़ुद अपना एहतिसाब गवारा नहीं उन्हें
औरों में ऐब ढूँडते हैं दीदा-वर तमाम
तन्हाइयाँ नसीब का उन्वान बन गईं
एक एक कर के छूट गए हम-सफ़र तमाम
होने लगे हैं मेरी ख़मोशी पे तब्सिरे
अब जान ले के छोड़ेंगे ये चारागर तमाम
क्या सोच कर चले थे 'ज़िया' राह-ए-शौक़ में
शायद न हो सके ये सफ़र उम्र-भर तमाम
rūdād-e-shauq ye hai mirī muḳhtasar tamām
ra.anā.iyoñ meñ kho gayā zauq-e-nazar tamām
guzrā hai gul-badan koī merī talāsh meñ
mahkī huī hai aaj mirī rahguzar tamām
vo din bhī kyā the jab thī havāoñ se guftugū
ab ham se baat karte haiñ dīvār-o-dar tamām
ḳhud apnā ehtisāb gavārā nahīñ unheñ
auroñ meñ aib DhūñDte haiñ dīda-var tamām
tanhā.iyāñ nasīb kā unvān ban ga.iiñ
ek ek kar ke chhūT ga.e ham-safar tamām
hone lage haiñ merī ḳhamoshī pe tabsire
ab jaan le ke chhoḌeñge ye chāragar tamām
kyā soch kar chale the 'ziyā' rāh-e-shauq meñ
shāyad na ho sake ye safar umr-bhar tamām
روداد شوق یہ ہے مری مختصر تمام
رعنائیوں میں کھو گیا ذوق نظر تمام
گزرا ہے گل بدن کوئی میری تلاش میں
مہکی ہوئی ہے آج مری رہ گزر تمام
وہ دن بھی کیا تھے جب تھی ہواؤں سے گفتگو
اب ہم سے بات کرتے ہیں دیوار و در تمام
خود اپنا احتساب گوارا نہیں انہیں
اوروں میں عیب ڈھونڈتے ہیں دیدہ ور تمام
تنہائیاں نصیب کا عنوان بن گئیں
ایک ایک کر کے چھوٹ گئے ہم سفر تمام
ہونے لگے ہیں میری خموشی پہ تبصرے
اب جان لے کے چھوڑیں گے یہ چارہ گر تمام
کیا سوچ کر چلے تھے ضیاؔ راہ شوق میں
شاید نہ ہو سکے یہ سفر عمر بھر تمام