आज माइल-ब-करम इक बुत-ए-रा'नाई है
सारी दुनिया मिरे दामन में सिमट आई है
हुस्न मसरूफ़-ए-तजल्ली-ओ-ख़ुद-आराई है
वो तमाशा ही नहीं ख़ुद भी तमाशाई है
आप से पहले कहाँ ग़म से शनासाई थी
मिल गए आप तो हर ग़म से शनासाई है
इस तरह देखना जैसे मुझे देखा ही नहीं
ये अदा आप की ख़ुद मज़हर-ए-यकताई है
चंद कलियाँ ही नहीं सारा चमन अपना है
कौन टोकेगा हमें किस की क़ज़ा आई है
जिस में दहके हुए शो'ले की सी तासीर न हो
वो 'ज़िया' शे'र नहीं क़ाफ़िया-पैमाई है
aaj mā.il-ba-karam ik but-e-ra.anā.ī hai
saarī duniyā mire dāman meñ simaT aa.ī hai
husn masrūf-e-tajalli-o-ḳhud-ārā.ī hai
vo tamāsha hī nahīñ ḳhud bhī tamāshā.ī hai
aap se pahle kahāñ ġham se shanāsā.ī thī
mil ga.e aap to har ġham se shanāsā.ī hai
is tarah dekhnā jaise mujhe dekhā hī nahīñ
ye adā aap kī ḳhud maz.har-e-yaktā.ī hai
chand kaliyāñ hī nahīñ saarā chaman apnā hai
kaun Tokegā hameñ kis kī qazā aa.ī hai
jis meñ dahke hue sho.ale kī sī tāsīr na ho
vo 'ziyā' sher nahīñ qāfiya-paimā.ī hai
آج مائل بہ کرم اک بت رعنائی ہے
ساری دنیا مرے دامن میں سمٹ آئی ہے
حسن مصروف تجلی و خود آرائی ہے
وہ تماشہ ہی نہیں خود بھی تماشائی ہے
آپ سے پہلے کہاں غم سے شناسائی تھی
مل گئے آپ تو ہر غم سے شناسائی ہے
اس طرح دیکھنا جیسے مجھے دیکھا ہی نہیں
یہ ادا آپ کی خود مظہر یکتائی ہے
چند کلیاں ہی نہیں سارا چمن اپنا ہے
کون ٹوکے گا ہمیں کس کی قضا آئی ہے
جس میں دہکے ہوئے شعلے کی سی تاثیر نہ ہو
وہ ضیاؔ شعر نہیں قافیہ پیمائی ہے