आज फिर दश्त कोई आबला-पा माँगे है
ख़ार भी ताज़गी-ए-रंग-ए-हिना माँगे है
ज़ब्त-ए-ग़म दस्तरस-ए-आह-ए-रसा माँगे है
ये अँधेरा तिरे 'आरिज़ की ज़िया माँगे है
जाँ-दही तिश्ना-लबी आबला-पाई बे-सूद
दश्त-ए-ग़ुर्बत तो कुछ इस के भी सिवा माँगे है
फुंक रहा है ग़म-ए-हस्ती से वजूद-ए-इंसाँ
ज़िंदगी अब तिरे दामन की हवा माँगे है
आप चुपके से उसे ज़हर का प्याला दे दें
जो रिवायत से बग़ावत का सिला माँगे है
चाँद सीने से लगाए है मिरा नक़्श-ए-क़दम
और सूरज मिरी साँसों की सदा माँगे है
aaj phir dasht koī ābla-pā māñge hai
ḳhaar bhī tāzgī-e-rañg-e-hinā māñge hai
zabt-e-ġham dast-ras-e-āh-e-rasā māñge hai
ye añdherā tire 'āriz kī ziyā māñge hai
jāñ-dahī tishna-labī ābla-pā.ī be-sūd
dasht-e-ġhurbat to kuchh is ke bhī sivā māñge hai
phuñk rahā hai ġham-e-hastī se vajūd-e-insāñ
zindagī ab tire dāman kī havā māñge hai
aap chupke se use zahr kā pyāla de deñ
jo rivāyat se baġhāvat kā sila māñge hai
chāñd siine se lagā.e hai mirā naqsh-e-qadam
aur sūraj mirī sāñsoñ kī sadā māñge hai
آج پھر دشت کوئی آبلہ پا مانگے ہے
خار بھی تازگئ رنگ حنا مانگے ہے
ضبط غم دسترس آہ رسا مانگے ہے
یہ اندھیرا ترے عارض کی ضیا مانگے ہے
جاں دہی تشنہ لبی آبلہ پائی بے سود
دشت غربت تو کچھ اس کے بھی سوا مانگے ہے
پھنک رہا ہے غم ہستی سے وجود انساں
زندگی اب ترے دامن کی ہوا مانگے ہے
آپ چپکے سے اسے زہر کا پیالہ دے دیں
جو روایت سے بغاوت کا صلہ مانگے ہے
چاند سینے سے لگائے ہے مرا نقش قدم
اور سورج مری سانسوں کی صدا مانگے ہے