रिवायत थी ये समझौता नहीं था
मैं सब का था कोई मेरा नहीं था
हमेशा इस लिए ना-ख़ुश रहा मैं
जो अच्छा था बहुत अच्छा नहीं था
मिरे हिस्से में आया सब्र का फल
मगर अफ़सोस वो मीठा नहीं था
कहानी ज़िंदगी की मुख़्तसर थी
अलिफ़-लैला का अफ़्साना नहीं था
उसी आँसू पे थी उम्मीद क़ाएम
जो उस की आँख से छलका नहीं था
तवाज़ुन खो चुकी बरसों से दुनिया
जहाँ फ़िरऔन था मूसा नहीं था
सज़ा ग़ैरों के जुर्मों की मिलेगी
मैं वो काटूँगा जो बोया नहीं था
सर-ए-रह लूटते हैं चैन रहज़न
यहाँ ऐसा कभी होता नहीं था
दिलों के रिश्ते कैसे टूट जाते
ये दो मुल्कों का बटवारा नहीं था
मुसावात-ए-हरम अल्लाहु-अकबर
वहाँ कोई बड़ा छोटा नहीं था
ख़ुदाया बख़्श दे मेरी ख़ताएँ
मैं अक्सर होश में रहता नहीं था
rivāyat thī ye samjhautā nahīñ thā
maiñ sab kā thā koī merā nahīñ thā
hamesha is liye nā-ḳhush rahā maiñ
jo achchhā thā bahut achchhā nahīñ thā
mire hisse meñ aaya sabr kā phal
magar afsos vo mīThā nahīñ thā
kahānī zindagī kī muḳhtasar thī
alif-lailā kā afsāna nahīñ thā
usī aañsū pe thī ummīd qaa.em
jo us kī aañkh se chhalkā nahīñ thā
tavāzun kho chukī barsoñ se duniyā
jahāñ fir.aun thā muusā nahīñ thā
sazā ġhairoñ ke jurmoñ kī milegī
maiñ vo kāTūñgā jo boyā nahīñ thā
sar-e-rah lūTte haiñ chain rahzan
yahāñ aisā kabhī hotā nahīñ thā
diloñ ke rishte kaise TuuT jaate
ye do mulkoñ kā baTvārā nahīñ thā
musāvāt-e-haram allāhu-akbar
vahāñ koī baḌā chhoTā nahīñ thā
ḳhudāyā baḳhsh de merī ḳhatā.eñ
maiñ aksar hosh meñ rahtā nahīñ thā
روایت تھی یہ سمجھوتا نہیں تھا
میں سب کا تھا کوئی میرا نہیں تھا
ہمیشہ اس لئے نا خوش رہا میں
جو اچھا تھا بہت اچھا نہیں تھا
مرے حصے میں آیا صبر کا پھل
مگر افسوس وہ میٹھا نہیں تھا
کہانی زندگی کی مختصر تھی
الف لیلیٰ کا افسانہ نہیں تھا
اسی آنسو پہ تھی امید قائم
جو اس کی آنکھ سے چھلکا نہیں تھا
توازن کھو چکی برسوں سے دنیا
جہاں فرعون تھا موسیٰ نہیں تھا
سزا غیروں کے جرموں کی ملے گی
میں وہ کاٹوں گا جو بویا نہیں تھا
سر رہ لوٹتے ہیں چین رہزن
یہاں ایسا کبھی ہوتا نہیں تھا
دلوں کے رشتے کیسے ٹوٹ جاتے
یہ دو ملکوں کا بٹوارا نہیں تھا
مساوات حرم اللہ اکبر
وہاں کوئی بڑا چھوٹا نہیں تھا
خدایا بخش دے میری خطائیں
میں اکثر ہوش میں رہتا نہیں تھا