रेत मुट्ठी में भरी पानी से आग़ाज़ किया
सख़्त मुश्किल में था आसानी से आग़ाज़ किया
मुझ को मिट्टी से बदन बनते हुए उम्र लगी
मेरी ता'मीर ने वीरानी से आग़ाज़ किया
ये जहानों का ज़मानों का मकानों का सफ़र
ग़ैब ने लफ़्ज़ से या मा'नी से आग़ाज़ किया
जब भी ये आँख अनासिर की तरफ़ देखती है
याद आता है परेशानी से आग़ाज़ किया
जिस्म और इस्म मुझे कैसे मिले किस ने दिए
इन सवालात की हैरानी से आग़ाज़ किया
एक ख़ामोश समुंदर था मिरे चार तरफ़
जिस में आवाज़ ने तुग़्यानी से आग़ाज़ किया
मुझ को बद-सूरती-ए-जिस्म का अंदाज़ा है
मैं ने आईना-ए-उर्यानी से आग़ाज़ किया
ret muTThī meñ bharī paanī se āġhāz kiyā
saḳht mushkil meñ thā āsānī se āġhāz kiyā
mujh ko miTTī se badan bante hue umr lagī
merī ta.amīr ne vīrānī se āġhāz kiyā
ye jahānoñ kā zamānoñ kā makānoñ kā safar
ġhaib ne lafz se yā ma.anī se āġhāz kiyā
jab bhī ye aañkh anāsir kī taraf dekhtī hai
yaad aatā hai pareshānī se āġhāz kiyā
jism aur ism mujhe kaise mile kis ne diye
in savālāt kī hairānī se āġhāz kiyā
ek ḳhāmosh samundar thā mire chaar taraf
jis meñ āvāz ne tuġhyānī se āġhāz kiyā
mujh ko bad-sūratī-e-jism kā andāza hai
maiñ ne ā.īna-e-uryānī se āġhāz kiyā
ریت مٹھی میں بھری پانی سے آغاز کیا
سخت مشکل میں تھا آسانی سے آغاز کیا
مجھ کو مٹی سے بدن بنتے ہوئے عمر لگی
میری تعمیر نے ویرانی سے آغاز کیا
یہ جہانوں کا زمانوں کا مکانوں کا سفر
غیب نے لفظ سے یا معنی سے آغاز کیا
جب بھی یہ آنکھ عناصر کی طرف دیکھتی ہے
یاد آتا ہے پریشانی سے آغاز کیا
جسم اور اسم مجھے کیسے ملے کس نے دیے
ان سوالات کی حیرانی سے آغاز کیا
ایک خاموش سمندر تھا مرے چار طرف
جس میں آواز نے طغیانی سے آغاز کیا
مجھ کو بد صورتیٔ جسم کا اندازہ ہے
میں نے آئینۂ عریانی سے آغاز کیا