बिला-जवाज़ नहीं है फ़लक से जंग मिरी
अटक गई है सितारे में इक पतंग मिरी
फिर एक रोज़ मिरे पास आ कर उस ने कहा
ये ओढ़नी ज़रा क़ौस-ए-क़ुज़ह से रंग मिरी
जो काएनात किनारे से जा के मिल जाए
वही फ़राग़-तलब है ज़मीन तंग मिरी
मैं चीख़ते हुए सहरा में दूर तक भागा
न जाने रेत कहाँ ले गई उमंग मिरी
फ़ना की सुर्ख़ दोपहरों में रक़्स जारी था
रगें निचोड़ रहे थे रबाब-ओ-चंग मिरी
लहू की बूँद गिरी रौशनी का फूल खिला
फिर उस के बा'द कोई और थी तरंग मिरी
bilā-javāz nahīñ hai falak se jañg mirī
aTak ga.ī hai sitāre meñ ik patañg mirī
phir ek roz mire paas aa kar us ne kahā
ye oḌhnī zarā qaus-e-quzah se rañg mirī
jo kā.enāt kināre se jā ke mil jaa.e
vahī farāġh-talab hai zamīn tañg mirī
maiñ chīḳhte hue sahrā meñ duur tak bhāgā
na jaane ret kahāñ le ga.ī umañg mirī
fanā kī surḳh dopahroñ meñ raqs jaarī thā
rageñ nichoḌ rahe the rabāb-o-chañg mirī
lahū kī buuñd girī raushnī kā phuul khilā
phir us ke ba.ad koī aur thī tarañg mirī
بلا جواز نہیں ہے فلک سے جنگ مری
اٹک گئی ہے ستارے میں اک پتنگ مری
پھر ایک روز مرے پاس آ کر اس نے کہا
یہ اوڑھنی ذرا قوس قزح سے رنگ مری
جو کائنات کنارے سے جا کے مل جائے
وہی فراغ طلب ہے زمین تنگ مری
میں چیختے ہوئے صحرا میں دور تک بھاگا
نہ جانے ریت کہاں لے گئی امنگ مری
فنا کی سرخ دوپہروں میں رقص جاری تھا
رگیں نچوڑ رہے تھے رباب و چنگ مری
لہو کی بوند گری روشنی کا پھول کھلا
پھر اس کے بعد کوئی اور تھی ترنگ مری