रक़्स करती है फ़ज़ा वज्द में जाम आया है
फिर कोई ले के बहारों का पयाम आया है
बादा-ख़्वारान-ए-फ़ना बढ़ के क़दम लो उस के
ले के साग़र में जो सहबा-ए-दवाम आया है
मैं ने सीखा है ज़माने से मोहब्बत करना
तेरा पैग़ाम-ए-मोहब्बत मिरे काम आया है
रहबर-ए-जादा-ए-हक़ नूर-ए-ख़ुदा हादी दें
ले के ख़ालिक़ का ज़माने में पयाम आया है
तेरी मंज़िल है बुलंद इतनी कि हर शाम-ओ-सहर
चाँद-सूरज से तिरे दर को सलाम आया है
हो गया तेरी मोहब्बत में गिरफ़्तार तो फिर
ताएर-ए-रूह भला कब तह-ए-दाम आया है
ख़ुद-ब-ख़ुद झुक गई पेशानी-ए-अर्बाब-ए-ख़ुदी
इश्क़ की राह में ऐसा भी मक़ाम आया है
आसियो शुक्र की जा है कि ब-फ़ैज़-ए-ख़ालिक़
हम गुनहगारों की बख़्शिश का पयाम आया है
हरम-ओ-दैर के लोगों की ख़ुशी क्या कहना
बंदा-ए-ख़ालिक़-ओ-दिल-दादा-ए-राम आया है
तिश्ना-कामान-ए-नज़ारा को ये मुज़्दा दे दो
बे-नक़ाब आज कोई फिर सर-ए-बाम आया है
हो मुबारक तुम्हें रिंदो कि ब-ताईद-ए-ख़ुदा
कोई छलकाता हुआ शीशा-ओ-जाम आया है
जब कभी गर्दिश-ए-दौराँ ने सताया है बहुत
तेरे रिंदों की ज़बाँ पर तिरा नाम आया है
अहल-ए-मग़रिब को पिला कर मय-ए-इरफ़ाँ 'दर्शन'
फिर से मशरिक़ की तरफ़ अर्श-मक़ाम आया है
raqs kartī hai fazā vajd meñ jaam aayā hai
phir koī le ke bahāroñ kā payām aayā hai
bāda-ḳhvārān-e-fanā baḌh ke qadam lo us ke
le ke sāġhar meñ jo sahbā-e-davām aayā hai
maiñ ne sīkhā hai zamāne se mohabbat karnā
terā paiġhām-e-mohabbat mire kaam aayā hai
rahbar-e-jāda-e-haq nūr-e-ḳhudā haadī deñ
le ke ḳhāliq kā zamāne meñ payām aayā hai
terī manzil hai buland itnī ki har shām-o-sahar
chāñd-sūraj se tire dar ko salām aayā hai
ho gayā terī mohabbat meñ giraftār to phir
tā.er-e-rūh bhalā kab tah-e-dām aayā hai
ḳhud-ba-ḳhud jhuk ga.ī peshānī-e-arbāb-e-ḳhudī
ishq kī raah meñ aisā bhī maqām aayā hai
āsiyo shukr kī jā hai ki ba-faiz-e-ḳhāliq
ham gunahgāroñ kī baḳhshish kā payām aayā hai
haram-o-dair ke logoñ kī ḳhushī kyā kahnā
banda-e-ḳhāliq-o-dil-dāda-e-rām aayā hai
tishna-kāmān-e-nazāra ko ye muzhda de do
be-naqāb aaj koī phir sar-e-bām aayā hai
ho mubārak tumheñ rindo ki ba-tā.īd-e-ḳhudā
koī chhalkātā huā shīsha-o-jām aayā hai
jab kabhī gardish-e-daurāñ ne satāyā hai bahut
tere rindoñ kī zabāñ par tirā naam aayā hai
ahl-e-maġhrib ko pilā kar mai-e-irfāñ 'darshan'
phir se mashriq kī taraf arsh-maqām aayā hai
رقص کرتی ہے فضا وجد میں جام آیا ہے
پھر کوئی لے کے بہاروں کا پیام آیا ہے
بادہ خواران فنا بڑھ کے قدم لو اس کے
لے کے ساغر میں جو صہبائے دوام آیا ہے
میں نے سیکھا ہے زمانے سے محبت کرنا
تیرا پیغام محبت مرے کام آیا ہے
رہبر جادۂ حق نور خدا ہادی دیں
لے کے خالق کا زمانے میں پیام آیا ہے
تیری منزل ہے بلند اتنی کہ ہر شام و سحر
چاند سورج سے ترے در کو سلام آیا ہے
ہو گیا تیری محبت میں گرفتار تو پھر
طائر روح بھلا کب تہ دام آیا ہے
خود بہ خود جھک گئی پیشانیٔ ارباب خودی
عشق کی راہ میں ایسا بھی مقام آیا ہے
عاصیو شکر کی جا ہے کہ بہ فیض خالق
ہم گنہ گاروں کی بخشش کا پیام آیا ہے
حرم و دیر کے لوگوں کی خوشی کیا کہنا
بندۂ خالق و دلدادۂ رام آیا ہے
تشنہ کامان نظارہ کو یہ مژدہ دے دو
بے نقاب آج کوئی پھر سر بام آیا ہے
ہو مبارک تمہیں رندو کہ بہ تائید خدا
کوئی چھلکاتا ہوا شیشہ و جام آیا ہے
جب کبھی گردش دوراں نے ستایا ہے بہت
تیرے رندوں کی زباں پر ترا نام آیا ہے
اہل مغرب کو پلا کر مئے عرفاں درشنؔ
پھر سے مشرق کی طرف عرش مقام آیا ہے