रंग और नूर की तमसील से होगा कि नहीं
शब का मातम मिरी क़िंदील से होगा कि नहीं
देखना ये है कि जंगल को चलाने के लिए
मशवरा रीछ से और चील से होगा कि नहीं
आयत-ए-तीरा-शबी पढ़ते हुए उम्र हुई
सामना अब भी अज़ाज़ील से होगा कि नहीं
ज़र्द मिट्टी में उतरती हुई ऐ क़ौस-ए-क़ुज़ह
ख़्वाब पैदा तिरी तर्सील से होगा कि नहीं
ओस के फूल महकते हैं तिरी आँखों में
इन का रिश्ता भी किसी नील से होगा कि नहीं
जब सुख़न करने लगूँगा मैं तुझे अस्र-ए-रवाँ
इस्तिआरा कोई इंजील से होगा कि नहीं
rañg aur nuur kī tamsīl se hogā ki nahīñ
shab kā mātam mirī qindīl se hogā ki nahīñ
dekhnā ye hai ki jañgal ko chalāne ke liye
mashvara rīchh se aur chiil se hogā ki nahīñ
āyat-e-tīra-shabī paḌhte hue umr huī
sāmnā ab bhī azāzīl se hogā ki nahīñ
zard miTTī meñ utartī huī ai qaus-e-quzah
ḳhvāb paidā tirī tarsīl se hogā ki nahīñ
os ke phuul mahakte haiñ tirī ā.ankhoñ meñ
in kā rishta bhī kisī niil se hogā ki nahīñ
jab suḳhan karne lagūñgā maiñ tujhe asr-e-ravāñ
isti.āra koī injīl se hogā ki nahīñ
رنگ اور نور کی تمثیل سے ہوگا کہ نہیں
شب کا ماتم مری قندیل سے ہوگا کہ نہیں
دیکھنا یہ ہے کہ جنگل کو چلانے کے لئے
مشورہ ریچھ سے اور چیل سے ہوگا کہ نہیں
آیت تیرہ شبی پڑھتے ہوئے عمر ہوئی
سامنا اب بھی عزازیل سے ہوگا کہ نہیں
زرد مٹی میں اترتی ہوئی اے قوس قزح
خواب پیدا تری ترسیل سے ہوگا کہ نہیں
اوس کے پھول مہکتے ہیں تری آنکھوں میں
ان کا رشتہ بھی کسی نیل سے ہوگا کہ نہیں
جب سخن کرنے لگوں گا میں تجھے عصر رواں
استعارہ کوئی انجیل سے ہوگا کہ نہیں