रहता तो है उस बज़्म में चर्चा मिरे दिल का
अच्छा है ये अच्छा हो न सौदा मिरे दिल का
है जोश-ए-क़लक़ म'अरका-आरा मिरे दिल का
हंगामा है दिल पर मिरे बरपा मिरे दिल का
है सैर निगाहों में शबिस्तान अदू की
क्या मुझ से छुपाते हो तमाशा मिरे दिल का
इक मश्ग़ला ठहरी है तुम्हें रंजिश-ए-बेजा
इक खेल हुआ तुम को सताना मिरे दिल का
बे-ख़ुद हूँ तसव्वुर में किसी बर्क़-ए-अदा के
सरमाया-ए-तस्कीं है तड़पना मिरे दिल का
बर्बाद न जाएगी 'ज़हीर' अपनी मुसीबत
आख़िर तो कहीं सब्र पड़ेगा मिरे दिल का
rahtā to hai us bazm meñ charchā mire dil kā
achchhā hai ye achchhā ho na saudā mire dil kā
hai josh-e-qalaq ma.arka-ārā mire dil kā
hañgāma hai dil par mire barpā mire dil kā
hai sair nigāhoñ meñ shabistān adū kī
kyā mujh se chhupāte ho tamāshā mire dil kā
ik mashġhala Thahrī hai tumheñ ranjish-e-bejā
ik khel huā tum ko satānā mire dil kā
be-ḳhud huuñ tasavvur meñ kisī barq-e-adā ke
sarmāya-e-taskīñ hai taḌapnā mire dil kā
barbād na jā.egī 'zahīr' apnī musībat
āḳhir to kahīñ sabr paḌegā mire dil kā
رہتا تو ہے اس بزم میں چرچا مرے دل کا
اچھا ہے یہ اچھا ہو نہ سودا مرے دل کا
ہے جوش قلق معرکہ آرا مرے دل کا
ہنگامہ ہے دل پر مرے برپا مرے دل کا
ہے سیر نگاہوں میں شبستان عدو کی
کیا مجھ سے چھپاتے ہو تماشا مرے دل کا
اک مشغلہ ٹھہری ہے تمہیں رنجش بے جا
اک کھیل ہوا تم کو ستانا مرے دل کا
بے خود ہوں تصور میں کسی برق ادا کے
سرمایۂ تسکیں ہے تڑپنا مرے دل کا
برباد نہ جائے گی ظہیرؔ اپنی مصیبت
آخر تو کہیں صبر پڑے گا مرے دل کا