रहीन-ए-यास यहाँ दिल नहीं कि जाँ तुझ से
वो 'आजिज़ी है कि जाता नहीं गुमाँ तुझ से
'अजब जिहत-ब-जिहत गूँज उठा है सन्नाटा
नफ़स नफ़स है ज़माना फ़ुग़ाँ-फ़ुग़ाँ तुझ से
उमीद तुझ से किसी तौर टूटती ही नहीं
शिकस्ता-दिल न हुए दिल-शिकस्तगाँ तुझ से
किसे फ़िराक़ की लज़्ज़त हुई है अर्ज़ानी
भुला के और हुआ रब्त-ए-बे-कराँ तुझ से
इस इंहिराफ़ की तौजीह कुछ तो कर आख़िर
नियाज़-मंद तिरे और सरगिराँ तुझ से
कहें न कुछ तो सुकूत-ए-सुख़न भी रुस्वाई
चले तो बात ठहरती है दास्ताँ तुझ से
मिज़ाज-ए-'इश्क़ तलव्वुन से आश्ना ही नहीं
ख़िज़ाँ बहार बहारें रही ख़िज़ाँ तुझ से
मुसाफ़िरों को भी कुछ शर्मसार-ए-निस्बत कर
क़याम तुझ से सफ़र तुझ से कारवाँ तुझ से
क़ाफ़
सितारा-गीर सुख़न-दर-सुख़न है फ़िक्र तिरी
'उलू-ए-फ़न में 'इबारत है आसमाँ तुझ से
तिरे क़लम ने हुनर को ज़ुहूर-ए-नौ बख़्शा
निकात-ए-नुत्क़ में शाइस्ता-ए-बयाँ तुझ से
ज़मीन-ए-ग़ालिब-ए-गर्दूं-मक़ाम है 'गौहर'
ग़ज़ल-तलब हैं मह-ओ-मेहर-ओ-कहकशाँ तुझ से
rahīn-e-yās yahāñ dil nahīñ ki jaañ tujh se
vo 'ājizī hai ki jaatā nahīñ gumāñ tujh se
'ajab jihat-ba-jihat guuñj uThā hai sannāTā
nafas nafas hai zamāna fuġhāñ-fuġhāñ tujh se
umiid tujh se kisī taur TūTtī hī nahīñ
shikasta-dil na hue dil-shikastagāñ tujh se
kise firāq kī lazzat huī hai arzānī
bhulā ke aur huā rabt-e-be-karāñ tujh se
is inhirāf kī taujīh kuchh to kar āḳhir
niyāz-mand tire aur sargirāñ tujh se
kaheñ na kuchh to sukūt-e-suḳhan bhī rusvā.ī
chale to baat Thahartī hai dāstāñ tujh se
mizāj-e-'ishq talavvun se āshnā hī nahīñ
ḳhizāñ bahār bahāreñ rahī ḳhizāñ tujh se
musāfiroñ ko bhī kuchh sharmsār-e-nisbat kar
qayām tujh se safar tujh se kārvāñ tujh se
qaaf
sitāra-gīr suḳhan-dar-suḳhan hai fikr tirī
'ulū-e-fan meñ 'ibārat hai āsmāñ tujh se
tire qalam ne hunar ko zuhūr-e-nau baḳhshā
nikāt-e-nutq meñ shā.ista-e-bayāñ tujh se
zamīn-e-ġhālib-e-gardūñ-maqām hai 'gauhar'
ġhazal-talab haiñ mah-o-mehr-o-kahkashāñ tujh se
رہین یاس یہاں دل نہیں کہ جاں تجھ سے
وہ عاجزی ہے کہ جاتا نہیں گماں تجھ سے
عجب جہت بہ جہت گونج اٹھا ہے سناٹا
نفس نفس ہے زمانہ فغاں فغاں تجھ سے
امید تجھ سے کسی طور ٹوٹتی ہی نہیں
شکستہ دل نہ ہوے دل شکستگاں تجھ سے
کسے فراق کی لذت ہوئی ہے ارزانی
بھلا کے اور ہوا ربط بے کراں تجھ سے
اس انحراف کی توجیہہ کچھ تو کر آخر
نیاز مند ترے اور سرگراں تجھ سے
کہیں نہ کچھ تو سکوت سخن بھی رسوائی
چلے تو بات ٹھہرتی ہے داستاں تجھ سے
مزاج عشق تلون سے آشنا ہی نہیں
خزاں بہار بہاریں رہی خزاں تجھ سے
مسافروں کو بھی کچھ شرمسار نسبت کر
قیام تجھ سے سفر تجھ سے کارواں تجھ سے
ق
ستارہ گیر سخن در سخن ہے فکر تری
علوئے فن میں عبارت ہے آسماں تجھ سے
ترے قلم نے ہنر کو ظہور نو بخشا
نکات نطق میں شائستۂ بیاں تجھ سے
زمین غالب گردوں مقام ہے گوہرؔ
غزل طلب ہیں مہ و مہر و کہکشاں تجھ سے