राज़-ए-निहाँ थी ज़िंदगी राज़-ए-निहाँ है आज भी
वहम-ओ-गुमाँ में थी वहम-ओ-गुमाँ है आज भी
कल भी नवा-ए-आगही क़ीमत-ए-संग-ओ-ख़िश्त थी
नग़्मा-ए-अम्न-ओ-आश्ती जिंस-ए-गिराँ है आज भी
दिल से तो रोज़-ओ-शब हुई लाख तरह की गुफ़्तुगू
तिश्ना-ए-गुफ़्तुगू मगर अपनी ज़बाँ है आज भी
ख़ाक में जज़्ब हो गया तेरे शहीद का लहू
मतला-ए-काएनात पर सुर्ख़ धुआँ है आज भी
इश्क़ को नींद आ गई वक़्त पे ओस पड़ गई
अपने जुनूँ के दश्त में धूप जवाँ है आज भी
वक़्त की दस्तरस नहीं बज़्म-ए-गह-ए-ख़याल तक
रुख़ पे ग़ुबार ही सही याद जवाँ है आज भी
कल भी रुख़-ए-हयात पर रंग-ए-शगुफ़्तगी न था
सुब्ह-ए-बहार-ए-ज़िंदगी शाम-ए-ख़िज़ाँ है आज भी
कल भी ज़बान-ओ-नुत्क़ को ख़ौफ़-ए-सिनान-ओ-सैफ था
नक़्द-ओ-नज़र को दहशत-ए-तीर-ओ-कमाँ है आज भी
'दर्शन'-ए-तिश्ना-काम पर एक निगाह साक़िया
शो'ला-बयाँ ये कल भी था शो'ला-बयाँ है आज भी
rāz-e-nihāñ thī zindagī rāz-e-nihāñ hai aaj bhī
vahm-o-gumāñ meñ thī vahm-o-gumāñ hai aaj bhī
kal bhī navā-e-āgahī qīmat-e-sañg-o-ḳhisht thī
naġhma-e-amn-o-āshtī jins-e-girāñ hai aaj bhī
dil se to roz-o-shab huī laakh tarah kī guftugū
tishna-e-guftugū magar apnī zabāñ hai aaj bhī
ḳhaak meñ jazb ho gayā tere shahīd kā lahū
matla-e-kā.enāt par surḳh dhuāñ hai aaj bhī
ishq ko niiñd aa ga.ī vaqt pe os paḌ ga.ī
apne junūñ ke dasht meñ dhuup javāñ hai aaj bhī
vaqt kī dastaras nahīñ bazm-e-gah-e-ḳhayāl tak
ruḳh pe ġhubār hī sahī yaad javāñ hai aaj bhī
kal bhī ruḳh-e-hayāt par rañg-e-shaguftagī na thā
sub.h-e-bahār-e-zindagī shām-e-ḳhizāñ hai aaj bhī
kal bhī zabān-o-nutq ko ḳhauf-e-sinān-e-saif thā
naqd-o-nazar ko dahshat-e-tīr-o-kamāñ hai aaj bhī
'darshan'-e-tishna-kām par ek nigāh sāqiyā
sho.ala-bayāñ ye kal bhī thā sho.ala-bayāñ hai aaj bhī
راز نہاں تھی زندگی راز نہاں ہے آج بھی
وہم و گماں میں تھی وہم و گماں ہے آج بھی
کل بھی نوائے آگہی قیمت سنگ و خشت تھی
نغمۂ امن و آشتی جنس گراں ہے آج بھی
دل سے تو روز و شب ہوئی لاکھ طرح کی گفتگو
تشنۂ گفتگو مگر اپنی زباں ہے آج بھی
خاک میں جذب ہو گیا تیرے شہید کا لہو
مطلع کائنات پر سرخ دھواں ہے آج بھی
عشق کو نیند آ گئی وقت پہ اوس پڑ گئی
اپنے جنوں کے دشت میں دھوپ جواں ہے آج بھی
وقت کی دسترس نہیں بزم گہہ خیال تک
رخ پہ غبار ہی سہی یاد جواں ہے آج بھی
کل بھی رخ حیات پر رنگ شگفتگی نہ تھا
صبح بہار زندگی شام خزاں ہے آج بھی
کل بھی زبان و نطق کو خوف سنان و سیف تھا
نقد و نظر کو دہشت تیر و کماں ہے آج بھی
درشنؔ تشنہ کام پر ایک نگاہ ساقیا
شعلہ بیاں یہ کل بھی تھا شعلہ بیاں ہے آج بھی