क़ैद-ए-ग़म-ए-हयात से अहल-ए-जहाँ मफ़र नहीं
ऐसी मिली है शाम-ए-ग़म जिस की कोई सहर नहीं
है वो सफ़र जो इश्क़ को जानिब दोस्त ले चले
वर्ना सफ़र के वास्ते कौन सी रहगुज़र नहीं
अहल-ए-ख़िरद को चाहिए दिल के नगर में आ बसें
दिल सा हसीन-ओ-ख़ुश-नुमा और कोई नगर नहीं
तेरे करम पे है यक़ीं गरचे ये जानता हूँ मैं
नाला है मेरा ना-रसा आह में कुछ असर नहीं
हसरत-ए-इंतिज़ार की बात न हम से पूछिए
है ये तवील दास्ताँ क़िस्सा-ए-मुख़्तसर नहीं
लुट तो गए हैं दिल मगर मिल भी गई हैं मंज़िलें
रहगुज़र-ए-हयात में इश्क़ सा राहबर नहीं
अपना रहा न होश जब राज़-ए-हयात पा लिया
नेअमत-ए-बे-खु़दी समझ होश का ये समर नहीं
इश्क़ मता-ए-ला-मकाँ इश्क़ मता-ए-जावेदाँ
शो'ला-ए-दाएमी है ये मंज़र-ए-यक-शरर नहीं
'दर्शन'-ए-मस्त से मिलें खोलेगा राज़-ए-आगही
गरचे वहाँ है जिस जगह अपनी उसे ख़बर नहीं
qaid-e-ġham-e-hayāt se ahl-e-jahāñ mafar nahīñ
aisī milī hai shām-e-ġham jis kī koī sahar nahīñ
hai vo safar jo ishq ko jānib dost le chale
varna safar ke vāste kaun sī rahguzar nahīñ
ahl-e-ḳhirad ko chāhiye dil ke nagar meñ aa baseñ
dil sā hasīn-o-ḳhush-numā aur koī nagar nahīñ
tere karam pe hai yaqīñ garche ye jāntā huuñ maiñ
naala hai merā nā-rasā aah meñ kuchh asar nahīñ
hasrat-e-intizār kī baat na ham se pūchhiye
hai ye tavīl dāstāñ qissa-e-muḳhtasar nahīñ
luT to ga.e haiñ dil magar mil bhī ga.ī haiñ manzileñ
rahguzar-e-hayāt meñ ishq sā rāhbar nahīñ
apnā rahā na hosh jab rāz-e-hayāt pā liyā
nemat-e-be-ḳhudī samajh hosh kā ye samar nahīñ
ishq matā-e-lā-makāñ ishq matā-e-jāvedāñ
sho.ala-e-dā.emī hai ye manzar-e-yak-sharar nahīñ
'darshan'-e-mast se mileñ kholegā rāz-e-āgahī
garche vahāñ hai jis jagah apnī use ḳhabar nahīñ
قید غم حیات سے اہل جہاں مفر نہیں
ایسی ملی ہے شام غم جس کی کوئی سحر نہیں
ہے وہ سفر جو عشق کو جانب دوست لے چلے
ورنہ سفر کے واسطے کون سی رہ گزر نہیں
اہل خرد کو چاہیے دل کے نگر میں آ بسیں
دل سا حسین و خوش نما اور کوئی نگر نہیں
تیرے کرم پہ ہے یقیں گرچہ یہ جانتا ہوں میں
نالہ ہے میرا نارسا آہ میں کچھ اثر نہیں
حسرت انتظار کی بات نہ ہم سے پوچھئے
ہے یہ طویل داستاں قصۂ مختصر نہیں
لٹ تو گئے ہیں دل مگر مل بھی گئی ہیں منزلیں
رہ گزر حیات میں عشق سا راہبر نہیں
اپنا رہا نہ ہوش جب راز حیات پا لیا
نعمت بے خودی سمجھ ہوش کا یہ ثمر نہیں
عشق متاع لا مکاں عشق متاع جاوداں
شعلۂ دائمی ہے یہ منظر یک شرر نہیں
درشنؔ مست سے ملیں کھولے گا راز آگہی
گرچہ وہاں ہے جس جگہ اپنی اسے خبر نہیں