पोशाक न तू पहनियो ऐ सर्व-ए-रवाँ सुर्ख़
हो जाए न परतव से तिरे कौन-ओ-मकाँ सुर्ख़
याँ बादा-ए-अहमर के छलकते हैं जो साग़र
ऐ पीर-ए-मुग़ाँ देख कि है सारी दुकाँ सुर्ख़
पी बादा-ए-अहमर तो ये कहने लगा गुल-रू
मैं सुर्ख़ हूँ तुम सुर्ख़ ज़मीं सुर्ख़ ज़माँ सुर्ख़
क्या पान की सुर्ख़ी ने किया क़त्ल किसी को
शिद्दत से है क्यूँ आज तिरी तेग़-ए-ज़बाँ सुर्ख़
सीने में दिल-ए-ग़म-ज़दा ख़ूँ हो गया शायद
बे-वज्ह भी होते हैं कहीं अश्क-ए-रवाँ सुर्ख़
क्या भड़के है सीने में मिरे आतिश-ए-फ़ुर्क़त
जो आह के हम-राह निकलता है धुआँ सुर्ख़
ये क़त्ल-ए-ख़िज़ाँ पर हैं जवानान-ए-चमन शाद
हर सम्त गुल-ओ-लाला उड़ाते हैं निशाँ सुर्ख़
गर मेरी शहादत की बशारत नहीं 'परवीं'
फिर क्यूँ है ख़त-ए-शौक़ के उनवाँ ये निशाँ सुर्ख़
poshāk na tū pahniyo ai sarv-e-ravāñ surḳh
ho jaa.e na partav se tire kaun-o-makāñ surḳh
yaañ bāda-e-ahmar ke chhalakte haiñ jo sāġhar
ai pīr-e-muġhāñ dekh ki hai saarī dukāñ surḳh
pī bāda-e-ahmar to ye kahne lagā gul-rū
maiñ surḳh huuñ tum surḳh zamīñ surḳh zamāñ surḳh
kyā paan kī surḳhī ne kiyā qatl kisī ko
shiddat se hai kyuuñ aaj tirī teġh-e-zabāñ surḳh
siine meñ dil-e-ġham-zada ḳhuuñ ho gayā shāyad
be-vaj.h bhī hote haiñ kahīñ ashk-e-ravāñ surḳh
kyā bhaḌke hai siine meñ mire ātish-e-furqat
jo aah ke ham-rāh nikaltā hai dhuāñ surḳh
ye qatl-e-ḳhizāñ par haiñ javānān-e-chaman shaad
har samt gul-o-lāla uḌāte haiñ nishāñ surḳh
gar merī shahādat kī bashārat nahīñ 'parvīñ'
phir kyuuñ hai ḳhat-e-shauq ke unvāñ ye nishāñ surḳh
پوشاک نہ تو پہنیو اے سرو رواں سرخ
ہو جائے نہ پرتو سے ترے کون و مکاں سرخ
یاں بادۂ احمر کے چھلکتے ہیں جو ساغر
اے پیر مغاں دیکھ کہ ہے ساری دکاں سرخ
پی بادۂ احمر تو یہ کہنے لگا گل رو
میں سرخ ہوں تم سرخ زمیں سرخ زماں سرخ
کیا پان کی سرخی نے کیا قتل کسی کو
شدت سے ہے کیوں آج تری تیغ زباں سرخ
سینہ میں دل غمزدہ خوں ہو گیا شاید
بے وجہ بھی ہوتے ہیں کہیں اشک رواں سرخ
کیا بھڑکے ہے سینہ میں مرے آتش فرقت
جو آہ کے ہمراہ نکلتا ہے دھواں سرخ
یہ قتل خزاں پر ہیں جوانان چمن شاد
ہر سمت گل و لالہ اڑاتے ہیں نشاں سرخ
گر میری شہادت کی بشارت نہیں پرویںؔ
پھر کیوں ہے خط شوق کے عنواں یہ نشاں سرخ