फूल रिश्तों के मोहब्बत के चमन छोड़ गए
कितने मजबूर थे जो अपना वतन छोड़ गए
अब तबस्सुम के लिए हम को तरसना होगा
हादसे वक़्त के माथे पे शिकन छोड़ गए
आने वालों के लिए रात क़यामत होगी
कारवाँ शाम के दामन में थकन छोड़ गए
मेरे विर्से में न दौलत है न जागीर कोई
मेरे अज्दाद ज़माने में चलन छोड़ गए
मेरी हस्सास तबी'अत का असर है 'ज़र्रीं'
फूल काँटे तो न थे फिर भी चुभन छोड़ गए
phuul rishtoñ ke mohabbat ke chaman chhoḌ ga.e
kitne majbūr the jo apnā vatan chhoḌ ga.e
ab tabassum ke liye ham ko tarasnā hogā
hādse vaqt ke māthe pe shikan chhoḌ ga.e
aane vāloñ ke liye raat qayāmat hogī
kārvāñ shaam ke dāman meñ thakan chhoḌ ga.e
mere virse meñ na daulat hai na jāgīr koī
mere ajdād zamāne meñ chalan chhoḌ ga.e
merī hassās tabī'at kā asar hai 'zarrīñ'
phuul kāñTe to na the phir bhī chubhan chhoḌ ga.e
پھول رشتوں کے محبت کے چمن چھوڑ گئے
کتنے مجبور تھے جو اپنا وطن چھوڑ گئے
اب تبسم کے لیے ہم کو ترسنا ہوگا
حادثے وقت کے ماتھے پہ شکن چھوڑ گئے
آنے والوں کے لیے رات قیامت ہوگی
کارواں شام کے دامن میں تھکن چھوڑ گئے
میرے ورثے میں نہ دولت ہے نہ جاگیر کوئی
میرے اجداد زمانے میں چلن چھوڑ گئے
میری حساس طبیعت کا اثر ہے زریںؔ
پھول کانٹے تو نہ تھے پھر بھی چبھن چھوڑ گئے