फिर लुत्फ़-ए-ख़लिश देने लगी याद किसी की
फिर भूल गई याद को बे-दाद किसी की
फिर रंज-ओ-अलम को है किसी का ये इशारा
उजड़ी हुई बस्ती करो आबाद किसी की
फिर ख़त का जवाब एक वही तंज़ का मिसरा'
मजबूर है क्यूँ फ़ितरत-ए-आज़ाद किसी की
फिर दे के ख़ुशी हम उसे नाशाद करें क्यूँ
ग़म ही से तबी'अत है अगर शाद किसी की
फिर पंद-ओ-नसीहत के लिए आने लगे दोस्त
वो दोस्त जो करते नहीं इमदाद किसी की
फिर शहर में चर्चा है नई संग-ज़नी का
अख़बार में फिर दर्ज है रूदाद किसी की
फिर बाब-ए-असर का कोई रस्ता नहीं मिलता
फिर भटकी हुई फिरती है फ़रियाद किसी की
फिर ख़ाक उड़ाते हुए फिरते हैं बगूले
फिर दश्त में मिट्टी हुई बर्बाद किसी की
फिर मैं भी करूँ क्यूँ न 'हफ़ीज़' इस पे तसल्लुत
जागीर नहीं तब-ए-ख़ुदा-दाद किसी की
phir lutf-e-ḳhalish dene lagī yaad kisī kī
phir bhuul ga.ī yaad ko be-dād kisī kī
phir ranj-o-alam ko hai kisī kā ye ishāra
ujḌī huī bastī karo ābād kisī kī
phir ḳhat kā javāb ek vahī tanz kā misra'
majbūr hai kyuuñ fitrat-e-āzād kisī kī
phir de ke ḳhushī ham use nāshād kareñ kyuuñ
ġham hī se tabī'at hai agar shaad kisī kī
phir pand-o-nasīhat ke liye aane lage dost
vo dost jo karte nahīñ imdād kisī kī
phir shahr meñ charchā hai na.ī sang-zanī kā
aḳhbār meñ phir darj hai rūdād kisī kī
phir bāb-e-asar kā koī rasta nahīñ miltā
phir bhaTkī huī phirtī hai fariyād kisī kī
phir ḳhaak uḌāte hue phirte haiñ bagūle
phir dasht meñ miTTī huī barbād kisī kī
phir maiñ bhī karūñ kyuuñ na 'hafīz' is pe tasallut
jāgīr nahīñ tab-e-ḳhudā-dād kisī kī
پھر لطف خلش دینے لگی یاد کسی کی
پھر بھول گئی یاد کو بیداد کسی کی
پھر رنج و الم کو ہے کسی کا یہ اشارہ
اجڑی ہوئی بستی کرو آباد کسی کی
پھر خط کا جواب ایک وہی طنز کا مصرع
مجبور ہے کیوں فطرت آزاد کسی کی
پھر دے کے خوشی ہم اسے ناشاد کریں کیوں
غم ہی سے طبیعت ہے اگر شاد کسی کی
پھر پند و نصیحت کے لیے آنے لگے دوست
وہ دوست جو کرتے نہیں امداد کسی کی
پھر شہر میں چرچا ہے نئی سنگ زنی کا
اخبار میں پھر درج ہے روداد کسی کی
پھر باب اثر کا کوئی رستہ نہیں ملتا
پھر بھٹکی ہوئی پھرتی ہے فریاد کسی کی
پھر خاک اڑاتے ہوئے پھرتے ہیں بگولے
پھر دشت میں مٹی ہوئی برباد کسی کی
پھر میں بھی کروں کیوں نہ حفیظؔ اس پہ تسلط
جاگیر نہیں طبع خدا داد کسی کی