फैला अजब ग़ुबार है आईना-गाह में
मुश्किल है ख़ुद को ढूँढना अक्स-ए-तबाह में
जल-बुझ चुका है ख़्वाहिश-ए-नाकाम से वजूद
परछाईं फिर रही है मकान-ए-सियाह में
मैं वो अजल-नसीब कि क़ातिल हूँ अपना-आप
होता हूँ रोज़ क़त्ल किसी क़त्ल-गाह में
रक्खा गया हूँ इज़्ज़त-ओ-तौक़ीर का असीर
बाँधा गया है सर को ग़ुरूर-ए-कुलाह में
हलकान में नहीं तिरी ख़ातिर सर-ए-हुजूम
सब मर रहे हैं हसरत-ए-यक-दो-निगाह में
phailā ajab ġhubār hai ā.īna-gāh meñ
mushkil hai ḳhud ko DhūñDhnā aks-e-tabāh meñ
jal-bujh chukā hai ḳhvāhish-e-nākām se vajūd
parchhā.īñ phir rahī hai makān-e-siyāh meñ
maiñ vo ajal-nasīb ki qātil huuñ apnā-āp
hotā huuñ roz qatl kisī qatl-gāh meñ
rakkhā gayā huuñ izzat-o-tauqīr kā asiir
bāñdhā gayā hai sar ko ġhurūr-e-kulāh meñ
halkān meñ nahīñ tirī ḳhātir sar-e-hujūm
sab mar rahe haiñ hasrat-e-yak-do-nigāh meñ
پھیلا عجب غبار ہے آئینہ گاہ میں
مشکل ہے خود کو ڈھونڈھنا عکس تباہ میں
جل بجھ چکا ہے خواہش ناکام سے وجود
پرچھائیں پھر رہی ہے مکان سیاہ میں
میں وہ اجل نصیب کہ قاتل ہوں اپنا آپ
ہوتا ہوں روز قتل کسی قتل گاہ میں
رکھا گیا ہوں عزت و توقیر کا اسیر
باندھا گیا ہے سر کو غرور کلاہ میں
ہلکان میں نہیں تری خاطر سر ہجوم
سب مر رہے ہیں حسرت یک دو نگاہ میں