पैदा किया है उड़ती हुई ख़ाक से मुझे
निस्बत यही है सरसर-ए-सफ़्फ़ाक से मुझे
अब तो असीर-ए-गर्दिश-ए-लैल-ओ-नहार हूँ
मुद्दत हुई है उतरे हुए चाक से मुझे
आएगा कोई खोलेगा बंद-ए-क़बा-ए-हर्फ़
देगा नजात काग़ज़ी पोशाक से मुझे
दुनिया है इश्वा-साज़ तो मैं हूँ मकीन-ए-ज़ात
ख़तरा नहीं है इस ज़न-ए-बेबाक से मुझे
पर फड़फड़ा रहा हूँ बसीरत के दाम में
कोई छुड़ाए कब्ज़ा-ए-इदराक से मुझे
रह जाएगी लकीर लहू की ज़मीन पर
ले जाइए न बाँध के फ़ितराक से मुझे
मुझ से ज़मीन ख़ौफ़-ज़दा है 'रफ़ीक़-राज़'
ये जानती है रब्त है अफ़्लाक से मुझे
paidā kiyā hai uḌtī huī ḳhaak se mujhe
nisbat yahī hai sarsar-e-saffāk se mujhe
ab to asīr-e-gardish-e-lail-o-nahār huuñ
muddat huī hai utre hue chaak se mujhe
aa.egā koī kholegā band-e-qabā-e-harf
degā najāt kāġhzī poshāk se mujhe
duniyā hai ishva-sāz to maiñ huuñ makīn-e-zāt
ḳhatra nahīñ hai is zan-e-bebāk se mujhe
par phaḌphaḌā rahā huuñ basīrat ke daam meñ
koī chhuḌā.e qabza-e-idrāk se mujhe
rah jā.egī lakīr lahū kī zamīn par
le jā.iye na bāñdh ke fitrāk se mujhe
mujh se zamīn ḳhauf-zada hai 'rafīq-rāz'
ye jāntī hai rabt hai aflāk se mujhe
پیدا کیا ہے اڑتی ہوئی خاک سے مجھے
نسبت یہی ہے صرصر سفاک سے مجھے
اب تو اسیر گردش لیل و نہار ہوں
مدت ہوئی ہے اترے ہوئے چاک سے مجھے
آئے گا کوئی کھولے گا بند قبائے حرف
دے گا نجات کاغذی پوشاک سے مجھے
دنیا ہے عشوہ ساز تو میں ہوں مکین ذات
خطرہ نہیں ہے اس زن بے باک سے مجھے
پر پھڑپھڑا رہا ہوں بصیرت کے دام میں
کوئی چھڑائے قبضۂ ادراک سے مجھے
رہ جائے گی لکیر لہو کی زمین پر
لے جائیے نہ باندھ کے فتراک سے مجھے
مجھ سے زمین خوف زدہ ہے رفیق رازؔ
یہ جانتی ہے ربط ہے افلاک سے مجھے