पहलू-ओ-पुश्त-ओ-सीना-ओ-रुख़्सार आइना
है रज़्म-गाह-ए-हुस्न का ये चार आइना
कफ़ आइना बर आइना रुख़्सार आइना
है सर से पाँव तक वो सितमगार आइना
हटता नहीं जो सामने से उस के रात दिन
हम से सिवा है तालिब-ए-दीदार आइना
ये तो मिरा रक़ीब है मैं मानता नहीं
क्यूँ देखता है आप को हर बार आइना
रुख़ का है अक्स दिल में तो रुख़ में है दिल का अक्स
है आइने के सामने हर बार आइना
ख़ल्वत में उस के नूर से आलम है तूर का
हैं आब-ओ-ताब से दर-ओ-दीवार आइना
ग़श खा के गिर पड़े न कहीं रोब-ए-हुस्न से
इस वास्ते है पुश्त ब-दीवार आइना
किस में है आब-ओ-ताब सिवा देख लीजिए
इक बार उस का चेहरा और इक बार आइना
रुख़ का और उस का हो गया इक बार फ़ैसला
अच्छा हुआ कि मान गया हार आइना
लबरेज़ है शुआ-ए-रुख़-ए-दिल-फ़रोज़ से
ले आब-ए-हुस्न-ए-साग़र-ए-सरशार आइना
'परवीं' जहाँ में उस की झपकती नहीं पलक
हैरत का आप करता है इक़रार आइना
pahlū-o-pusht-o-sīna-o-ruḳhsār aa.ina
hai razm-gāh-e-husn kā ye chaar aa.ina
kaf aa.ina bar aa.ina ruḳhsār aa.ina
hai sar se paañv tak vo sitamgār aa.ina
haTtā nahīñ jo sāmne se us ke raat din
ham se sivā hai tālib-e-dīdār aa.ina
ye to mirā raqīb hai maiñ māntā nahīñ
kyuuñ dekhtā hai aap ko har baar aa.ina
ruḳh kā hai aks dil meñ to ruḳh meñ hai dil kā aks
hai aa.ine ke sāmne har baar aa.ina
ḳhalvat meñ us ke nuur se aalam hai tuur kā
haiñ āb-o-tāb se dar-o-dīvār aa.ina
ġhash khā ke gir paḌe na kahīñ ro.ab-e-husn se
is vāste hai pusht ba-dīvār aa.ina
kis meñ hai āb-o-tāb sivā dekh lījiye
ik baar us kā chehra aur ik baar aa.ina
ruḳh kā aur us kā ho gayā ik baar faisla
achchhā huā ki maan gayā haar aa.ina
labrez hai shuā-e-ruḳh-e-dil-faroz se
le āb-e-husn-e-sāġhar-e-sarshār aa.ina
'parvīñ' jahāñ meñ us kī jhapaktī nahīñ palak
hairat kā aap kartā hai iqrār aa.ina
پہلو و پشت و سینہ و رخسار آئنہ
ہے رزم گاہ حسن کا یہ چار آئنہ
کف آئنہ بر آئنہ رخسار آئنہ
ہے سر سے پاؤں تک وہ ستم گار آئنہ
ہٹتا نہیں جو سامنے سے اس کے رات دن
ہم سے سوا ہے طالب دیدار آئنہ
یہ تو مرا رقیب ہے میں مانتا نہیں
کیوں دیکھتا ہے آپ کو ہر بار آئنہ
رخ کا ہے عکس دل میں تو رخ میں ہے دل کا عکس
ہے آئنے کے سامنے ہر بار آئنہ
خلوت میں اس کے نور سے عالم ہے طور کا
ہیں آب و تاب سے در و دیوار آئنہ
غش کھا کے گر پڑے نہ کہیں رعب حسن سے
اس واسطے ہے پشت بہ دیوار آئنہ
کس میں ہے آب و تاب سوا دیکھ لیجئے
اک بار اس کا چہرہ اور اک بار آئنہ
رخ کا اور اس کا ہو گیا اک بار فیصلہ
اچھا ہوا کہ مان گیا ہار آئنہ
لبریز ہے شعاع رخ دل فروز سے
لے آب حسن ساغر سرشار آئنہ
پرویںؔ جہاں میں اس کی جھپکتی نہیں پلک
حیرت کا آپ کرتا ہے اقرار آئنہ