पागल सी हवा ढलती हुई शाम समुंदर
ऐसे ही कहीं ले न तिरा नाम समुंदर
वीरानों में भटकें कि तिरे शहर में ठहरें
आँखों में दर आता है सर-ए-शाम समुंदर
है ताज़ा हवाओं पे ये इल्ज़ाम कि चुप हैं
कुछ ऐसा ही तुझ पर भी है इल्ज़ाम समुंदर
काग़ज़ की बनी नाव में बैठे हुए हम लोग
गिर्दाब से निकले हैं ज़रा थाम समुंदर
दे इज़्न कि पानी पे मकाँ अपने बनाएँ
अब सारी ज़मीं हो गई नीलाम समुंदर
सुनते हैं वहाँ अक्स उभरते हैं बदन के
चलते हैं चलो हम भी सर-ए-शाम समुंदर
किस वक़्त ज़मीं मेरे क़दम लेने लगी है
जब रह गया मिट्टी से बस इक गाम समुंदर
तू अक्स-ए-फ़लक है तो फ़लक आइना तेरा
इक रक़्स-ए-मुसलसल है तिरा काम समुंदर
चढ़ते हुए दरिया हों कि सूखी हुई नहरें
रखते हैं तिरे सर सभी इल्ज़ाम समुंदर
क्या भर गए पानी से लबालब कि 'मतीन' आज
देने लगे सहराओं को दुश्नाम समुंदर
pāgal sī havā Dhaltī huī shaam samundar
aise hī kahīñ le na tirā naam samundar
vīrānoñ meñ bhaTkeñ ki tire shahr meñ Thahreñ
āñkhoñ meñ dar aatā hai sar-e-shām samundar
hai taaza havāoñ pe ye ilzām ki chup haiñ
kuchh aisā hī tujh par bhī hai ilzām samundar
kāġhaz kī banī naav meñ baiThe hue ham log
girdāb se nikle haiñ zarā thaam samundar
de izn ki paanī pe makāñ apne banā.eñ
ab saarī zamīñ ho ga.ī nīlām samundar
sunte haiñ vahāñ aks ubharte haiñ badan ke
chalte haiñ chalo ham bhī sar-e-shām samundar
kis vaqt zamīñ mere qadam lene lagī hai
jab rah gayā miTTī se bas ik gaam samundar
tū aks-e-falak hai to falak aa.ina terā
ik raqs-e-musalsal hai tirā kaam samundar
chaḌhte hue dariyā hoñ ki sūkhī huī nahreñ
rakhte haiñ tire sar sabhī ilzām samundar
kyā bhar ga.e paanī se labālab ki 'matīn' aaj
dene lage sahrāoñ ko dushnām samundar
پاگل سی ہوا ڈھلتی ہوئی شام سمندر
ایسے ہی کہیں لے نہ ترا نام سمندر
ویرانوں میں بھٹکیں کہ ترے شہر میں ٹھہریں
آنکھوں میں در آتا ہے سر شام سمندر
ہے تازہ ہواؤں پہ یہ الزام کہ چپ ہیں
کچھ ایسا ہی تجھ پر بھی ہے الزام سمندر
کاغذ کی بنی ناؤ میں بیٹھے ہوئے ہم لوگ
گرداب سے نکلے ہیں ذرا تھام سمندر
دے اذن کہ پانی پہ مکاں اپنے بنائیں
اب ساری زمیں ہو گئی نیلام سمندر
سنتے ہیں وہاں عکس ابھرتے ہیں بدن کے
چلتے ہیں چلو ہم بھی سر شام سمندر
کس وقت زمیں میرے قدم لینے لگی ہے
جب رہ گیا مٹی سے بس اک گام سمندر
تو عکس فلک ہے تو فلک آئنہ تیرا
اک رقص مسلسل ہے ترا کام سمندر
چڑھتے ہوئے دریا ہوں کہ سوکھی ہوئی نہریں
رکھتے ہیں ترے سر سبھی الزام سمندر
کیا بھر گئے پانی سے لبالب کہ متینؔ آج
دینے لگے صحراؤں کو دشنام سمندر